USTOZIMIZ - HAQIQIY “TAʼLIM IFTIXORI”
Oʻqituvchilik - sharafli kasb. Yosh avlodga bilim berish,ularni kelajakda har tomonlama yetuk inson qilib tarbiyalash yoʻlida oʻqituvchining oʻrni beqiyos,albatta.
Prezidentimiz tashabbusi bilan taʼlim-tarbiya sohasida juda katta ishlar amalga oshirilmoqda.Bugungi kunda oʻqituvchi mehnatiga katta eʼtibor berilib, uning qadri yanada yuksalmoqda.
Yurtimizda oʻz kasbini sevib,tinmay izlanib mehnat qilayotgan fidoyi ustozlar juda koʻp.Amudaryo tumanidagi 69-sonli maktabning tasviriy sanʼat fani oʻqituvchisi Malohat Boltayeva ham oʻz kasbini sevgan ustozlardan biri. U "Barkamol avlod" bolalar maktabida ham bolalarga tasviriy-sanʼat sirlarini oʻrgatmoqda.
Shogirdlarining koʻpchiligi ustoz izidan borib, oʻqituvchilik kasbini tanlashganidan mamnun. Malohat Boltayeva izlanuvchan va fidoyi ustoz sifatida maktab jamoasida ham obroʻ-eʼtiborga ega. Oʻzining kamtarligi va tashabbuskorligi bilan kasbdoshlari mehrini qozongan.
Yaqinda Mustaqil Davlatlar Hamdoʻstligi miqyosida oʻtkazilgan ilmiy-amaliy "Taʼlim iftixori" koʻrik-tanloviga taqdim qilingan "Zamonaviy uzluksiz taʼlim sifatini oshirish: intellktual taʼlim-tarbiya, innovatsiya va istiqbollar" mavzusidagi pedagogik tadqiqot ishi koʻrik-tanlov ilmiy kengashi tomonidan yuqori baholanib, u "Taʼlim iftixori" koʻkrak nishoni hamda maxsus guvohnoma va sertifikat, tashakkurnoma shuningdek, ilmiy pedagogik maqolalar jamlangan toʻplam hamda qimmatbaho sovgʻalar bilan taqdirlandi.
Ustozimiz Malohat Boltayevani ushbu yutugʻi bilan chin qalbimizdan tabriklaymiz va kelgusi ishlarida muvaffaqiyatlar tilaymiz.
Mahbuba Sariyeva, 69-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
