DOʻRMANDA SAYYoR QABUL OʻTKAZILDI
Keyingi yillarda mamlakatimizda inson shaʼnini ulugʻlash, uning qadrini yuksaltirish va manfaatlarini himoya qilishga ulkan eʼtibor qaratilmoqda. Bugungi kunga kelib, barcha davlat idoralari faoliyatida aholi murojaatlari bilan ishlash boʻyicha sifat jihatidan mutlaqo yangi tizim yaratildi. Joylarda oʻtkazilayotgan sayyor qabullar xalqning dardini eshitish, ularning turmushidagi muammolarini aniqlab, joyida hal etishda muhim ahamiyat kasb etmoqda. Buningdek jarayonlarda davlatimiz rahbarining “Xalq davlat organlariga emas, balki, davlat organlari xalqimizga xizmat qilishi kerak” deya taʼkidlagan topshirigʻi oʻzining yaqqol ifodasini topayapti, xalq bilan yuzma-yuz muloqot qilish, ularning dardiga quloq tutish, shu orqali yurtimiz aholisining roziligiga erishish har bir soha rahbarlarining bosh vazifasiga aylangan.
Aytish joizki, oʻtkazilayotgan sayyor qabullar jarayonida odamlarning hayotga koʻz qarashi, munosabati oʻzgarayotgani yaqqol namoyon boʻlmoqda.
Yaqinda Amudaryo tumanining chekka hududlaridan biri – Doʻrman ovulida Qoraqalpogʻiston Respublikasi prokurorining topshirigʻi asosida Qoraqalpogʻiston Respublikasi prokurorining oʻrinbosari Oybek Shamuratov boshchiligida oʻtkazilgan sayyor qabulda ham bu oʻzining yaqqol ifodasini topdi.
Sayyor qabulda tumandagi sektorlar rahbarlari, huquqni muhofaza qiluvchi organlar masʼullari, Doʻrman ovul fuqarolar yigʻini raisi va barcha masʼullari, tegishli muassasa va tashkilotlar rahbarlari, aholi vakillari ishtirok etdilar.
Sayyor qabulga tashrif buyurgan doʻrmanliklarga dastlab aholining emin-erkin, farovon baxtiyor yashashi, davlatimizning fuqarolar huquqlari va qonuniy manfaatlarini himoya qilish borasidagi siyosati, barcha jabhalarda shu jumladan sud-huquq sohasida amalga oshirilayotgan islohotlar va shu asosda aholining baxtiyor yashashiga erishish yoʻlida amalga oshirilayotgan saʼy-harakatlar xususida keng tushuncha berildi. Shuningdek, har bir fuqaro oʻz hayoti davomida mamlakatimizda amaldagi qonun-qoidalarni hurmat qilishi, boʻysunishi lozimligi taʼkidlandi.
Shundan soʻng aholining murojaatlari tinglandi. Tadbir davomida 13 nafar shaxslar ijtimoiy sohaga oid muammolari yuzasidan murojaat qildilar. Ushbu murojaatlarning barchasi yuzasidan fuqarolarga tushuntirishlar berilib, koʻrib chiqish uchun nazoratga olindi.
Bu kabi sayyor qabullar Respublikamizning barcha hududlarida oʻtkazilib, aholi turmushidagi muammolar aniqlanmoqda, imkon qadar joyida hal qilinmoqda va oʻrganish talab etiladigan murojaatlar nazoratga olinmoqda.
Doʻrman ovulidagi 84-sonli maktab binosida boʻlib oʻtgan sayyor qabul ham aholining huquqiy madaniyati oshishiga, ertagi kunga ishonchi ortishiga sabab boʻldi.
Qisqa qilib aytganda, bugungi kunda yurtdoshlarimiz hayotiy muammolar girdobida qolib, yakka oʻzi qiynalmaydi, uning dardini eshitadigan muammolarini hal qiladigan davlat idoralari bor. Sayyor qabullar bu borada eng samarali usul ekanligi barchaga ayon. Eʼtirof etish joizki, odamlarning oʻz hayotidan rozi boʻlib yashashlariga erishish – davlatimiz siyosatining bosh maqsadiga aylangan.
Oygul RAJABOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
