GRANT LOYIHASI DOIRASIDA OʻTKAZILGAN “KITOB – MAʼNAVIYaT SARChAShMASI” MAVZUSIDAGI MAQOLALAR TANLOVI GʻOLIBLARI ANIQLANDI

“Taraqqiyot koʻzgusi” gazetasi tahririyatining “Bilimli va maʼnaviyatli yoshlar bilan – Uchinchi Renessans sari” nomli grant loyihasi doirasida tuman hududida yoshlar oʻrtasida “Najot – taʼlimda, najot – tarbiyada, najot – bilimda” shiori ostida maʼnaviy-maʼrifiy tadbirlar oʻtkazilmoqda. Loyiha ish rejasiga koʻra yaqinda oʻtkazila boshlagan yozuvchi-shoirlar, tajribali pedagoglar bilan uchrashuv va davra suhbatlari, “Kitoblar karvoni”, “Farzandimga kitob sovgʻa qilaman” aktsiyalari, kitobxon yoshlar toʻgʻrisidagi telelavhalar va boshqa tadbirlarda yoshlar faol ishtirok etishmoqda.

Oʻtgan yilning dekabr oyida grant loyihasi doirasida yoshlar oʻrtasida “Kitob – maʼnaviyat sarchashmasi” mavzusida maqolalar tanlovi oʻtkazilishi eʼlon qilingan edi. Tanlovda tumanimizning barcha hududlaridagi adabiyot ixlosmandlari, kitobxon yoshlar qatnashib, oʻz maqolalarini tahririyatga taqdim etdilar. Yoshlar qalamiga manub maqolalarda kitob va kitobxonlikning ahamiyati, sevgan yozuvchi-shoirlari va badiiy asarlar, ulardagi qahramonlar, turli obrazlar, mutolaa qilish davomidagi taassurotlari aks etgan. Shuningdek, kitoblarning inson hayotida tutgan oʻrni haqida oʻz fikrlarini bildirishgan.

Ushbu tanlovga kelgan maqolalar tahririyat ijodiy jamoasidan iborat boʻlgan hakamlar tomonidan koʻrib chiqildi va tuman ixtisoslashtirilgan maktabining 8-sinf oʻquvchisi Diana Sarsenboyeva 1-oʻrin, Oʻzbekiston Davlat Madaniyat institutining Nukus filiali kutubxonachilik yoʻnalishi talabasi Shohida Ollaberganova 2-oʻrin, 13-sonli maktabning 9-sinf oʻquvchisi Nafosat Yangiboyeva ham 2-oʻrin, shu maktabning 11-sinf oʻquvchisi Adolat Oʻrozboyeva esa 3-oʻrin gʻoliblari deb topildilar.

“Taraqqiyot koʻzgusi” gazetasi tahririyatining “Bilimli va maʼnaviyatli yoshlar bilan – Uchinchi Renessans sari” nomli grant loyihasi doirasida yoshlar oʻrtasida “Kitob – maʼnaviyat sarchashmasi” mavzusida oʻtkazilgan maqolalar tanlovi gʻoliblariga faxriy yorliq va sovgʻalar topshirildi.

O.Xudoyberganova.