XALQARO XOTIN-QIZLAR BAYRAMIDA 44-SONLI MAKTABDA “BALLI, QIZLAR” TADBIRI OʻTKAZILDI
Bahor faslining kirib kelishi va ketma-ket boʻlayotgan bayramlar, turli ayyomlar, tadorigu-tadbirlar yurtdoshlarimizga koʻtarinki kayfiyat, oʻzgacha shukuh baxsh etmoqda.
Xalqaro xotin-qizlar bayrami arafasida Oʻzbekiston mahallasidagi 44-sonli maktabda ham turli tadbirlar, bayram kechalari tashkil etildi. Ayniqsa, 5-“A”sinf rahbari va oʻquvchilari tomonidan tashkil etilgan "Balli qizlar" bellashuvi ham juda qiziqarli oʻtdi.
Tadbirni maktabning maʼnaviy-maʼrifiy ishlar boʻyicha direktor oʻrinbosari Rufat Doʻsimbetov ochib berdi va barcha ayol-qizlarimizni kirib kelayotgan bahoriy bayram bilan qizgʻin tabrikladi.
Bellashuvda oʻquvchi-qizlar 6 ta shart boʻyicha oʻzlarining bilim va mahoratini namoyish etdilar. Bayram kechasida oʻquvchilar tomonidan Ona, Bahor va Ona Vatan haqida kuylangan kuy va qoʻshiqlar, qizlarimizning dilbar raqslari tomoshabinlarga haqiqiy bayramona kayfiyat ulashdi.
Bellashuv davomida hakamlar hayʼati raisi Sevaroy Otamurodova, aʼzolari Maftuna Kenjaboyeva va Sabila Alimboyevalar tomonidan mahoratli qizlarimizning mehnatlari haqqoniy baholanib borildi. Yakuniy natijalarga koʻra 1-oʻrin Dilshoda Yerkayevaga, 2-oʻrin Diana Shomurodova, 3-oʻrin Shohista Otajonovaga nasib etdi. Gʻolib boʻlgan qizlar sinf rahbari tomonidan tayyorlangan bayramona esdalik sovgʻalari bilan taqdirlandilar.
Bahorning ilk kunlarida oʻtkazilgan ushbu bayram tadbiri haqiqiy bayramona kayfiyatda yakunlandi.
Salomat Karimova, 44-sonli maktabning ona tili va adabiyot fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
