Qoraqalpogʻiston Respublikasi Vazirlar Kengashi Raisi oʻrinbosari Rasul Zarikeyev ishtirokida sayyor qabul boʻlib oʻtdi
28-mart kuni Amudaryo tumanining Uyshin mahallasi hududidagi madaniyat markazida Qoraqalpogʻiston Respublikasi Vazirlar Kengashi Raisining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari Rasul Zarikeyev ishtirokida sayyor qabuli boʻlib oʻtdi.
Sayyor qabulda tuman hokimining investitsiya va tashqi savdo boʻyicha oʻrinbosari Fahriddin Yusupov, yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Nodir Kamolov, tumandagi barcha korxona-tashkilotlar masʼullari, Qangli, Qumyop, Qipchoq, Daryo boʻyi hamda Uyshin ovul va mahallalar fuqarolar yigʻinlari raislari, hokim yordamchilari, xotin-qizlar faollari, yoshlar yetakchilari hamda hududlardagi fuqarolar ishtirok etdilar.
Qabul jarayonida eski transformatorlarni yangisiga almashtirish, ichki yoʻllarni, koʻpriklarni taʼmirlash, boqcha va maktab qurilishi, yer olish masalasi, moddiy yordam berish kabi dolzarb masalalar boʻyicha murojaatlar kelib tushdi.
Xususan, fuqaro Lola Oʻtegenova foydalanib kelayotgan 8 sotix yerini oʻz nomiga rasmiylashtirib berish haqida, Bekbergan Kutlimuratov Uyshin mahallasi hududida yangidan qishloq vrachlik punktini tashkil etishda amaliy yordam berish masalasida, Karim Atajanov Uyshin mahallasi katta yoʻlidagi uchta koʻprikni taʼmirlashda amaliy yordam berish haqida murojaat qildilar. Shuningdek, fuqaro Farxod Begmuratov ichki yoʻllarni shagʻallashtirishda amaliy yordam soʻrab, Urozboy Aytboyev Uyshin mahallasi hududida davlat maktabgacha taʼlim tashkioltini tashkil qilishda, Farhod Bekchanov esa hududdagi 75-sonli maktabga qoʻshimcha sinflar va sport zali kurib berish masalasida amaliy yordam soʻrab murojaat qildirlar.
Mahallada yashovchi Maryam Davletbayeva davolanishi uchun amaliy yordam berish, Mansur Yuldashev uy-joyi yaqinidagi katta kuchlanishli elektr simyogʻochni boshqa joyga koʻchirish, Nodir Ametov eski transformatorni taʼmirlab berish yoki yangidan oʻrnatib berish, Xudayor Baltabayev Qanli ovulidagi ichki koʻchalar taʼmirtalab ahvolga kelib qolganligi sababli koʻchalarga tosh yotqizib berish hamda 67-sonli maktabga sport zali hamda Qanjigʻali aholi punktiga bogʻcha qurib berish masalasida, fuqaro Xidirboy Artikov esa Uyshin madaniyat uyi yonidagi elektr ustunlarini almashtirib berish hamda pilla pulini olishda amaliy yordam soʻrab murojaat qildilar.
Sayyor qabul jarayonida turli masalalar yuzasidan aholi vakillari tomonidan masʼullarga jami 30 ga yaqin murojaatlar yoʻllandi. Murojaatlardagi ayrim masalalar qabul jarayonining oʻzida yechimini topgan boʻlsa, ayrim masalalar boʻyicha fuqarolarga tegishlicha tushuntirishlar berildi, qolgan masalalar boʻyicha oʻrganish hamda muammolarni bartaraf qilish boʻyicha korxona-tashkilotlar masʼullariga tegishli topshiriqlar berildi.
Taʼkidlash joizki, davlat organlari va korxona-tashkilotlari rahbarlarining aholi vakillari bilan yuzma-yuz suhbat qurib, ularning muammolarini oʻrganishi va bartaraf etishga amaliy yordam berishi insonlarning hayot tarzining yaxshilanishiga, davlat siyosatiga boʻlgan ishonchining yanada oshishiga xizmat qiladi.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
