ИМКОНИЯТЛАРДАН УНУМЛИ ФОЙДАЛАНАЯПМИЗ
Бир вақтлар қўрасида иккидан зиёд моли бор оилаларнинг даромад манбалари текширилиб, иложи борича уларнинг юзига қора чапланарди. Хусусий мулк эгалари халқ душмани дея баҳоланарди. Собиқ иттифоқ давридаги бу кўз қараш халқимизнинг ижодкорлик қобилиятини бўғиб, фаровонликка интилишига тўсиқ бўлиб турарди.
Мамлакатимиз мустақилликка эришгач, бутунлай янги соҳа – кичик бизнес ва хусусий тадбиркорликка кенг йўл очилди, тадбиркорлик тўкин ва фаровон ҳаётнинг, мамлакат тараққиётининг асосий омилларидан бирига айланди.
Тадбиркорларга яратилган имкониятлардан унумли фойдаланиб, мен ҳам 2007 йилда қурилиш моллари ишлаб чиқарувчи "Арслонбек-Асилбек” масъулияти чекланган жамиятини ташкил этдим.
Ҳозирги кунгача цехимизда қурилиш учун рубероит ишлаб чиқараяпмиз. Бизнинг цехимизда ушбу маҳсулотни ишлаб чиқариш йўлга қўйилганлиги сабабли мазкур маҳсулот нархи туманимизда кескин пасайди.
Маҳсулотга эҳтиёж кўплигини эътиборга олиб, 6 нафар ишчини ишга қабул қилиб, фаолият юритаяпмиз. Ҳозир туманимиз қурилиш ташкилотлари ва якка тартибда уй-жой қурувчилардан ташқари Қорақалпоғистон Республикасининг 90 фоиз рубероитга бўлган талабини қоплайдиган миқдорда маҳсулот ишлаб чиқаришга эришаяпмиз.
Фаолиятимизни 70 млн. сўмлик кредит билан бошлаган бўлсак, қарзимизни аллақачон уздик, ишчиларимизнинг иш ҳақларини, турли солиқ тўловларини ва сарфланган электр энергияси ва табиий газ тўловларини ўз вақтида тўлаб бораяпмиз.
Ўтган йили цехимизда 526 млн. сўмлик маҳсулот ишлаб чиқарган бўлсак, жорий йилнинг ўтган 11 ойи мобайнида истеъмолчиларга 700 млн. сўмликдан зиёд маҳсулот етказиб бердик.
Маҳсулотимизни харидорларга етказиб беришни яхшилаш, йўл транспорт харажатларини қисқартириш учун ўз маблағимиз ва кредит ҳисобига "Isuzu” юк автобуси сотиб олдик.
Фаолиятимизни кун сайин юксалтиришимизда бизга юртимизда яратилган қулай ишбилармонлик муҳити, тадбиркорлар ҳуқуқ ва эркинликлари ҳимоя қилинаётгани муҳим асос бўлаётир.
Юртимизнинг барча фуқароларини 8 декабрь – Асосий Қонунимиз қабул қилинган кун билан қизғин табриклайман.
Азамат РЕЙИМОВ,
"Арслонбек-Асилбек” МЧЖ раиси.
(Маҳсулот сертификатланган. Реклама ҳуқуқи асосида).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
