IMKONIYaTLARDAN UNUMLI FOYDALANAYaPMIZ
Bir vaqtlar qoʻrasida ikkidan ziyod moli bor oilalarning daromad manbalari tekshirilib, iloji boricha ularning yuziga qora chaplanardi. Xususiy mulk egalari xalq dushmani deya baholanardi. Sobiq ittifoq davridagi bu koʻz qarash xalqimizning ijodkorlik qobiliyatini boʻgʻib, farovonlikka intilishiga toʻsiq boʻlib turardi.
Mamlakatimiz mustaqillikka erishgach, butunlay yangi soha – kichik biznes va xususiy tadbirkorlikka keng yoʻl ochildi, tadbirkorlik toʻkin va farovon hayotning, mamlakat taraqqiyotining asosiy omillaridan biriga aylandi.
Tadbirkorlarga yaratilgan imkoniyatlardan unumli foydalanib, men ham 2007-yilda qurilish mollari ishlab chiqaruvchi "Arslonbek-Asilbek” masʼuliyati cheklangan jamiyatini tashkil etdim.
Hozirgi kungacha tseximizda qurilish uchun ruberoit ishlab chiqarayapmiz. Bizning tseximizda ushbu mahsulotni ishlab chiqarish yoʻlga qoʻyilganligi sababli mazkur mahsulot narxi tumanimizda keskin pasaydi.
Mahsulotga ehtiyoj koʻpligini eʼtiborga olib, 6 nafar ishchini ishga qabul qilib, faoliyat yuritayapmiz. Hozir tumanimiz qurilish tashkilotlari va yakka tartibda uy-joy quruvchilardan tashqari Qoraqalpogʻiston Respublikasining 90 foiz ruberoitga boʻlgan talabini qoplaydigan miqdorda mahsulot ishlab chiqarishga erishayapmiz.
Faoliyatimizni 70 mln. soʻmlik kredit bilan boshlagan boʻlsak, qarzimizni allaqachon uzdik, ishchilarimizning ish haqlarini, turli soliq toʻlovlarini va sarflangan elektr energiyasi va tabiiy gaz toʻlovlarini oʻz vaqtida toʻlab borayapmiz.
Oʻtgan yili tseximizda 526 mln. soʻmlik mahsulot ishlab chiqargan boʻlsak, joriy yilning oʻtgan 11 oyi mobaynida isteʼmolchilarga 700 mln. soʻmlikdan ziyod mahsulot yetkazib berdik.
Mahsulotimizni xaridorlarga yetkazib berishni yaxshilash, yoʻl transport xarajatlarini qisqartirish uchun oʻz mablagʻimiz va kredit hisobiga "Isuzu” yuk avtobusi sotib oldik.
Faoliyatimizni kun sayin yuksaltirishimizda bizga yurtimizda yaratilgan qulay ishbilarmonlik muhiti, tadbirkorlar huquq va erkinliklari himoya qilinayotgani muhim asos boʻlayotir.
Yurtimizning barcha fuqarolarini 8-dekabr – Asosiy Qonunimiz qabul qilingan kun bilan qizgʻin tabriklayman.
Azamat REYIMOV,
"Arslonbek-Asilbek” MChJ raisi.
(Mahsulot sertifikatlangan. Reklama huquqi asosida).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
