ЎзЛиДеПдан Президентликка номзод Шавкат Мирзиёевнинг Қорақалпоғистон Республикаси бўйича ишончли вакили Абатбай Данияров сайловчилар билан учрашди
Мамлакатимизда жорий йил 24 октябрь санасида ўтказиладиган муҳим сиёсий воқеа – Ўзбекистон Республикаси Президенти сайловига кенг кўламли тайёргарлик кўрилмоқда. Сайлов тизимини ислоҳ қилиш ва янада демократлаштириш, унинг ҳуқуқий асосларини мустаҳкамлаш, миллий қонунчилигимизни сайлов ҳуқуқига оид халқаро стандартларга уйғунлаштириш борасида амалга оширилган ишлар натижасида бу галги сайловлар юксак савияда ўтиши кутилмоқда.
Айни кунларда тобора яқинлашаётган Ўзбекистон Республикаси Президенти сайловига тайёргарлик ишлари қизғин паллага кирган. Сайловчи сифатида мазкур жараёнларни кузатар эканмиз, номзодларнинг сайловчилар билан фаол тарғибот-ташвиқот тадбирларини самарали ташкил қилаётганига гувоҳ бўламиз. Тарғибот-ташвиқот тадбирларининг мазмун-моҳияти жиҳатдан бир-биридан фарқ қилиши, номзодлар сайловолди дастурларининг мазмун жиҳатдан бойлиги ҳамда улар сайловчиларнинг фаол иштироки билан ўтказилаётганини алоҳида қайд этиш лозим.
16 октябрь куни Амударё тумани Қиличбой овулида Ўзбекистон Республикаси Президентлигига Тадбиркорлар ва ишбилармонлар ҳаракати – Ўзбекистон либерал-демократик партиясидан номзод Шавкат Мирзиёевнинг Қорақалпоғистон Республикасидаги ишончли вакили, Олий Мажлис Сенати аъзоси, Ўзбекистон Республикаси Ёшлар ишлари агентлиги Қорақалпоғистон Республикаси бошқармаси бошлиғи Абатбай Данияров иштирокида сайловолди тарғибот-ташвиқот тадбири ўтказилди.
Тарғибот-ташвиқот тадбирида партиянинг Қорақалпоғистон Республикаси кенгаши раиси Шарап Утемисов, туман кенгаши масъуллари, бошланғич партия ташкилоти аъзолари, сайловчилар, фуқаролар йиғинлари масъуллари ҳамда оммавий ахборот воситалари вакиллари иштирок этдилар.
Тадбир мобайнида ишончли вакил Абатбай Данияров энг асосий эътиборини номзоднинг сайловолди дастури маъно-мазмунини сайловчиларга янгича ёндашув асосида етказишга қаратди.
Ишонли вакил таъкидлашича, президентликка номзоднинг сайловолди дастурида мамлакатни янги тараққиёт босқичига олиб чиқувчи қатор йўналишлар бўйича аниқ стратегик мақсадлар ҳамда устувор вазифалар белгиланган. Хусусан, дастурда узлуксиз таълим тизими учун миллий ўқув дастурини жорий этиш, таълим сифатини ошириш ва рақобатбардош кадрлар тайёрлаш масалаларига алоҳида эътибор қаратилаётгани, соғлиқни сақлаш тизимида юксак натижадорликка эришиш, аҳоли ўртасида касалликларни камайтириш, соғлом турмуш тарзини фаол тарғиб этиш ва ўртача умр кўриш даражасини ошириш энг муҳим вазифалар сифатида белгиланганини алоҳида қайд этди.
Шунингдек, номзоднинг сайловолди дастурида ҳудудларни мутаносиб ривожлантириш энг устувор йўналишлардан бири сифатида белгиланиб, туман ва шаҳарлар кесимида 14 та беш йиллик ҳудудий дастурларни амалга ошириш чоралари кўрилиши, бунда ҳар бир туман ва шаҳарнинг муаммо ва имкониятлари ўрганилиб, “ўсиш нуқталари” белгилаб олиниши, шунингдек, мамлакат тараққиётининг янги босқичида ихчам, профессионал, халқимиз талабларига жавоб берадиган, адолатли, юқори натижадорликка йўналтирилган давлат бошқаруви тизимини шакллантириш борасида ҳам устувор вазифалар белгилангани хусусида маълумотлар келтирилди.
Тадбирда меҳнат фахрийси Амина Юсупова ҳамда туман нуронийлар жамоатчилик кенгаши раиси ўринбосари Бекмон Аллабергановлар Президентликка номзод Шавкат Мирзиёевнинг сайловолди дастури юзасидан ўз фикр-мулоҳазаларини билдирдилар. Сайловчилар шончли вакил Абатбай Данияровга номзоднинг сайловолди дастури юзасидан қатор саволлар билан мурожаат қилдилар ҳамда тегишли жавобларни олдилар.
Мадамин Казаков, ЎзЛиДеП Амударё туман кенгаши раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
