Фидойилик тимсолисиз, азиз устозим!

Мен устозим туфайли ҳаётда энг муҳими, кимнингдир қалбида эзгу амаллар билан муҳрланиб қолиш эканлигини тушуниб етдим. Дилимизда мана шундай бахтга эришган инсонларимиз борки, биз уларга “сизни яхши кўраман”, деб айтишга тортинамиз. Булар ота-онамиз ва устозла-римиздир.

Зеро, чин туйғуларни бонг уриб, баралла ошкор этавериш шарт эмас.Улар қалбан ҳис қилинади.

Азиз устозим – Омонжон опа Та-жибоеванинг меҳр ва билим уммо-нида мен ҳам бир шогирд сифатида таълим-тарбия олдим. Менга на-фақат талаба бўлиш бахтини муяс-сар этган, қолаверса, ўзим эгаллаб турган лавозимда қийналмай иш-лашимда, магистратурага ўқишга киришимда устоздан ўрганган би-лимларим ҳамда қатъият ва мато-натли, иродали бўлиш, бугунги ишни эртага қолдирмаслик сингари хис-латлар сабаб бўлса керак, деб ўйлайман.

Устозим билан илк бора тани-шувим 2015 йилда бўлганди. Улар ўша пайтда собиқ Амударё Акаде-мик лицейида она тили ва адабиёт фанидан дарс берардилар.

Узтознинг талабчанлиги, эътиборлилиги, абитуриентларнинг берган ҳар бир саволини эътиборсиз қолдирмасдан жавоб бериши ва мавзуни тўлиқ тушуниб етмагунча дарсдан кейин ҳам алоҳида шуғулланиши мен сингари кўплаб шогирдларида “мен ҳам худди шундай устоз бўламан”, деган мақсадни пайдо қилган бўлса ажаб эмас.

Бизга олий таълим муассасаларида ҳақиқий устоз камтар, камсуқум, оддий бўлиши керак, деб ўргатишган.

Ўйлашимча, талабчанлик, қатъийлик, меҳрибонлик ва бошқа фазилатлар устозимдаги камтарликдан униб чиққан.

Абитуриент пайтимизда гоҳида эринчоқлик қилиб мавзуларни ўз-лаштирмай борардик. Ўшанда устоз-нинг бизга айтган энг оғир гаплари: “Ким нимани экса, 1 август куни шу-ни ўради”, деган танбеҳлари эди. Биз шогирдлар бу сўзларни эшитиб, дарҳол сергак тортардик.

Мен ҳам келажакда устозим сингари ўз касбимнинг фидойиси бўлишга, Ватанимиз равнақига муносиб ҳисса қўшишга ҳаракат қиламан.

Фотима Эшимбетова.