“Biznes asoslari” fanini oʻqitishda yangicha yondashuv: taʼlim jarayonida innovatsion metod va texnologiyalarning ahamiyati
Bugungi kunda taʼlim tizimida innovatsion yondashuv va zamonaviy metodlarni qoʻllash muhim ahamiyatga ega boʻlib, ayniqsa, biznes asoslari kabi amaliy fanlarni oʻqitishda bu yanada dolzarb masala sanaladi. Oʻquvchilarni bozor iqtisodiyotining tamoyillari, tadbirkorlik koʻnikmalari va moliyaviy savodxonlikka oʻrgatish uchun yangi va samarali pedagogik metodlarni joriy qilish muhimdir.
2024-2025 oʻquv yilidan boshlab Oʻzbekiston Respublikasi Oliy taʼlim, fan va innovatsiyalar vazirligi va Germaniya jamgʻarma kassalari fondi (German Sparkassenstiftung) hamkorligida ishlab chiqilgan yangi dastur asosida biznes asoslari fani professional taʼlim muassasalarida oʻqitilmoqda. Ushbu dastur nazariy bilimlarni berish bilan cheklanib qolmasdan, oʻquvchilarda real biznes koʻnikmalarini ham shakllantirishga xizmat qiladi.
2025-yilning 3-yanvar kuni Amudaryo tumanidagi 2-son politexnikumda “Jamgʻarma oʻyini stimulyatsiyasi” moduli asosida moliyaviy savodxonlikni oshirishga qaratilgan keng qamrovli seminar oʻtkazildi. Ushbu seminar oʻquvchilarning tadbirkorlik koʻnikmalarini rivojlantirishga qaratilgan boʻlib, unda politexnikumning oʻqituvchilari va ishlab chiqarish ustalari ishtirok etdi. Seminar davomida oʻqituvchilar kichik guruhlarda ishlash, rolli oʻyinlar, muhokamalar orqali interfaol yondashuv metodikasini oʻrganishdi va amaliyotda sinab koʻrishdi.
Darslarni stimulyatsiya oʻyinlari asosida tashkil etish oʻquvchilarni jarayonga jalb qilish va ularning qiziqishini oshirish bilan birga noanʼanaviy fikrlash va muammolarni hal qilish koʻnikmalarini rivojlantirishga xizmat qiladi. Oʻquvchilar hayotiy holatlar asosida bilimlarni qoʻllashni oʻrganadi va real hayotga moslashish uchun zarur tajriba hosil qiladi. Stimulyatsiya oʻyinlari jarayonida oʻquvchilarning jamoaviy ish koʻnikmalari, muloqot qilish qobiliyatlari va oʻzaro yordamni rivojlantirishga alohida eʼtibor qaratiladi. Ushbu yondashuv har bir oʻquvchining qobiliyatlariga mos vazifalarni bajarish imkonini yaratadi va bilim olish jarayonini yanada qiziqarli qiladi.
Seminarda ishtirokchilar mazkur oʻyinni dars jarayonida samarali qoʻllash boʻyicha amaliy tavsiyalarga yega boʻlishdi. Oʻyin jarayonida oʻquvchilarga yordam berish, ularga muammolarni hal qilish strategiyalarini tushuntirish va natijalarni tahlil qilish boʻyicha batafsil koʻrsatmalar berildi. Shu bilan birga, oʻyin davomida oʻquvchilarning bilim darajasi va zaif tomonlarini aniqlash imkoniyati yaratiladi. Bu yondashuv muvaffaqiyatga erishish hissini oshiradi va taʼlim jarayonini samarali hamda ijodiy ruhda tashkil yetishga yordam beradi.
Zamonaviy texnologiyalar va interfaol metodlarning taʼlim jarayoniga joriy qilinishi yosh avlodni iqtisodiy erkinlikka, ijodiy fikrlashga va tadbirkorlikka ragʻbatlantirishda muhim qadam boʻlib xizmat qiladi. Shu kabi loyihalar nafaqat oʻquvchilarning shaxsiy muvaffaqiyatiga, balki jamiyatning iqtisodiy oʻsishiga ham ulkan hissa qoʻshadi.
Gulara Jumaniyazova, Amudaryo tuman 2-son politexnikumi biznes asoslari fani oʻqituvchisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
