Keksa avlod vakillarining bilim va tajribasi oilalar farovonligiga xizmat qiladi
Jamiyatning barqaror rivojlanişi hamda maʼnaviy yetuk avlod tarbiyasida tajribali nuroniylarning örni beqiyos. Ular ortda qolgan hayot yöllari davomida töplagan bilim va tajribalarini yoşlar bilan bölişib, ularning kelajakda töğri yöldan borişlariga yönaliş beradilar. Şu sababli yurtimizda uç avlod örtasidagi uzviy boğliqlikni mustahkamlaş, yoşlarga maʼnaviy va iqtisodiy yönalişlarda maslahat beriş maqsadida köplab loyihalar amalga oşirilmoqda.
Şu jihatdan, 19-fevral kuni 55-sonli maktabda taşkil etilgan "Uç avlod uçraşuvi" tarzidagi maʼnaviy-maʼrifiy tadbir muhim ahamiyat kasb etdi. Uşbu tadbir nuroniylarning boy hayotiy tajribalaridan kelib çiqib, yoş avlodni tarbiyalaş, ularga maʼnaviy yöl körsatiş, iqtisodiy mustaqillik sari yetaklaş kabi dolzarb masalalarni muhokama qilişga bağişlandi.
Mazkur uçraşuvda Özbekiston Respublikasi "Nuroniy" jamğarmasi bölim boşliği Majid Umarov, jamğarmaning Qoraqalpoğiston Respublikasi bölimi boşliği Tursunbay Abdijabbarov, jamğarmaning tuman bölimi raisi Bekman Allabergenov, mahallalar va ovullardan kelgan ijtimoiy faol nuroniylar, ota-onalar hamda öquvçi yoşlar iştirok etişdi.
Tadbirni 55-sonli maktab direktori Davron Arikov kiriş sözi bilan oçib, mehmonlarni taniştirdi va uçraşuvning dolzarbligi xususida fikr-mulohazalarini bildirdi. Uçraşuv davomida nuroniylar jamiyatda soğlom ijtimoiy-maʼnaviy muhitni şakllantiriş, mahalla institutini yanada rivojlantiriş hamda oilalar bilan işlaş tizimini yangi bosqiçga olib çiqiş masalalarini atrofliça muhokama qilişdi.
Tadbir davomida asosiy eʼtibor nuroniylarning bilim va tajribalaridan foydalanib, jamiyatdagi muammolarni hal qiliş, ayniqsa, oilalarni kambağallikdan çiqarişga xizmat qiluvçi dasturlarni samarali amalga oşirişga qaratildi. Nuroniylar yoşlarga oila mustahkamligi, iqtisodiy barqarorlik va tadbirkorlikni rivojlantiriş borasida qimmatli maslahatlar berişdi.
Uçraşuv davomida "Bir nuroniy – ön yoşga masʼul", "Nuroniy har bir oilaga masʼul" hamda "Kambağallikdan farovonlik sari" dasturlarining ahamiyati alohida taʼkidlandi. Uşbu taşabbuslar orqali yoşlarni kasb-hunar örganişga yönaltiriş, ularning iqtisodiy mustaqilligini taʼminlaş böyiça aniq rejalar belgilab olindi.
Nuroniylar oilaviy tadbirkorlik, hunarmandçilik, kiçik biznes va dehqonçilikni rivojlantiriş orqali oilalarning moliyaviy holatini yaxşilaş masalasiga alohida eʼtibor qaratişdi. Ular öz hayotiy tajribalaridan kelib çiqib, kiçik biznesni qanday yölga qöyiş, jamiyatda tadbirkorlik muhitini rivojlantiriş böyiça yoşlarga yönaliş berişdi.
Şuningdek, mahallalarda xavfsiz muhit yaratiş, huquqbuzarliklarning oldini oliş tizimini samarali yölga qöyiş borasida ham takliflar bildirildi. Nuroniylarning yoş avlod tarbiyasidagi örni va ijtimoiy birdamlikni oşirişdagi hissasi alohida taʼkidlandi.
Tadbir yakunida Özbekiston Respublikasi "Nuroniy" jamğarmasi tomonidan ijtimoiy faol nuroniylarga esdalik sovğalari topşirildi. Şu kuni tumanning Qiliçboy mavzesidagi Ayokçi mahalla fuqarolar yiğinida taşkil etilgan "Otalar çoyxonasi"da nuroniylar bilan davra suhbati ham ötkazildi.
Bu kabi uçraşuvlar jamiyatning barqarorligini taʼminlaşda, yoşlarni iqtisodiy va maʼnaviy jihatdan yetuk şaxs sifatida şakllantirişda muhim örin tutadi. Yoşlar nuroniylarning tajribasidan örganib, öz kelajagiga mustahkam poydevor yarata oladilar. Tadbir davomida ilgari surilgan ğoyalar yoşlarga nafaqat iqtisodiy barqarorlikka erişiş, balki yetuk inson sifatida şakllaniş imkoniyatini ham beradi.
Uşbu uçraşuv şuni körsatdiki, uç avlod örtasidagi aloqalarni mustahkamlaş va özaro tajriba almaşiş jamiyat rivoji uçun muhim omildir. Bu kabi tadbirlarning keng kölamda taşkil etilişi yoşlarga töğri yöl körsatişda muhim ahamiyat kasb etişi şubhasiz.
Şohzod Qurbonboyev
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
