Taniqli şoira va publitsist Muhtarama Uluğova amudaryolik ijodkor yoşlar bilan uçraşdi

Ijod ahli azaldan sayyor xalq. Nafaqat kasbiy faoliyati, balki şaxs sifatidagi mavqei jihatidan ham, ayniqsa, yozuvçi va şoirlarning umr yöllari xalqning ezgu orzu va umidlari bilan çambarças tutaşib ketgan. Şu bois, ular öz hayotlarining asosiy qismini xalq orasida ötkazadilar. Köngillarni tebratuvçi gözal şeʼrlar, inson qalbini tozartirib, hayotdan zavq olib yaşaşga undovçi yetuk badiiy asarlar ularning ijodiy safarlarida dunyoga keladi.

Özbekistonda xizmat körsatgan madaniyat xodimi, "Şuhrat" medali va "Mehnat şuhrati" ordenlari sohibasi, taniqli şoira va publitsist Muhtarama Uluğovaning har galgi yangi çiqqan kitoblari juda tez ommalaşib, qölma-qöl bölib ketadi, xalqimiz tomonidan sevib öqiladi. Umrining 73-bahorini qarşilagan şoira hamon xalq orasida.

Özbekistonning jannatmakon, gözal Farğona viloyatida, olim-u fuzalolar, hassos şoir-u yozuvçilar, sohirqalb sanʼatkorlar yurti – Marğilon şahrida 1952-yilda tavallud topgan Muhtarama Uluğova qariyb 60-yildan beri ijod maydonida.

Uning turli yillarda çop etilgan "Boyçeçakning tuşlari", "Muhabbatga töymasman sira", "Ey, dilim!" şeʼriy töplamlari, Özbekiston xalq şoiri, ustozi Zulfiyaxonimga bağişlangan "Muhabbat saroyida mangu qolganlar", "Bahor keldi seni söroqlab" kabi badiiy publitsistik kitoblari barça yoş toifasidagi kitobxonlarning köngil mulkiga aylangan. Muhtaramaxonim ham ustozi Zulfiyaxonim kabi tabiat va bahor şaydosi.

Uning ijodiy safarlari aynan şu fasldan boşlanişida ham ajib ramziy maʼno bor: qiyğos gulga kirgan çaman boğlar bağridan, köksida boyçeçaklar, lolaqizğaldoqlar marjonday tizilgan qir-u adirlardan, bahorda bir bora yaşnab, közlarni oladigan yurtning çöl-u sahrolaridan bitmas-tuganmas zavq, ilhom oladi.

Şoiraning bu galgi ijodiy safari Qoraqalpoq zaminining gözal Amudaryo sohillaridan boşlandi. Amudaryo ustiga qurilgan muhtaşam Döstlik köprigida şoirani Özbekiston Yozuvçilar Uyuşmasi aʼzosi, Qoraqalpoğistonda xizmat körsatgan madaniyat xodimi, "Barkamol avlod" bolalar maktabi direktori, şoira Xonimjon Rajabova, Amudaryo tumani hokimining örinbosari, oila va xotin-qizlar bölimi boşliği Gözal Saburovalar kutib olişdi.

Şu kuni tumanimizning faxriy mehmoni Muhtarama Uluğova bilan "Barkamol avlod" bolalar maktabi öquvçi-yoşlarining uçraşuvi bölib ötdi. Uçraşuvda mazkur maktabning ijodkor yoşlari, şuningdek, Amudaryo tuman Içki işlar bölimi xodimlari, Manğit şahrining Olmazor mahallasi yettiligi aʼzolari iştirok etişdi.

Uçraşuvda Muhtarama Uluğova "Barkamol avlod" bolalar maktabining havaskor-ijodkor öquvçilari, "Yoş jurnalist va notiq" tögaragi aʼzolari bilan adabiy suhbat ötkazib, yoş ijodkorlarga özining samimiy tilaklarini bildirdi. Ayniqsa, şoiraning ijod maşaqqatlarini yuksak maʼnaviyat va ilm orqali yengib ötiş, ijodiy kamolot sari intiliş borasidagi qiziqarli suhbatlari, maslahat va tavsiyalari yoşlarga manzur böldi.

Öz navbatida faxriy mehmon uçraşuv taşkilotçilariga çin dildan minnatdorçilik bildirib, yangi şeʼrlaridan öqib berdi.

Şeʼrxonlik va maroqli suhbatlar tarzida ötgan uçraşuv tadbiri iştirokçilar, ayniqsa, adabiyot va şeʼriyatga ixlosmand öquvçi-yoşlar uçun yorqin taassurotlar baxş etdi.

ROBIYa YÖLDOŞEVA.