15-sonli umumtaʼlim maktabida PISA–2025 sinovlari ötkazildi
Mamlakatimizda taʼlim-tarbiya tizimidagi islohotlar dunyo tajribasiga uyğun va xalqaro mezonlarga tayangan holda izçil amalga oşirilmoqda. Bu jarayonda taʼlim sifatini çuqur tahlil qiliş va uni takomillaştirişda xalqaro baholaş tizimlari alohida ahamiyat kasb etadi. Ana şunday yirik tadqiqotlardan biri – PISA xalqaro baholaş dasturidir.
Yaqinda Amudaryo tumani Maktabgaça va maktab taʼlimi bölimi tasarrufidagi 15-sonli umumtaʼlim maktabida PISA–2025 xalqaro baholaş tadqiqotining sinovlari ötkazildi. Sinovda mazkur maktabning 15 yoşli, yaʼni 2009-yilda tuğilgan 42 nafar öquvçisi qatnaşdi.
Tadbirda tuman hokimi Sobir Xöjametov, Qoraqalpoğiston Respublikasi Maktabgaça va maktab taʼlimi vazirligi mutasaddilari, tuman Maktabgaça va maktab taʼlimi bölimi boşliği Yalğaş Şomurotov hamda sohaning boşqa masʼul xodimlari iştirok etdi.
Tuman hokimi sinov jarayonida iştirokçilar bilan samimiy suhbatlaşib, kelgusi muvaffaqiyatlariga tilakdoşlik bildirdi. Şuningdek, taʼlimda xalqaro mezonlarni joriy etişning ahamiyati, bu orqali olinadigan natijalar kelajakda taʼlim tizimini rivojlantirişda muhim asos bölib xizmat qilişi alohida taʼkidlandi.
Eʼtiborga molik jihat şundaki, PISA–2025 tadqiqotida iştirok etiş uçun Qoraqalpoğiston Respublikasi böyiça 727 ta umumtaʼlim maktabi orasidan faqatgina 11 ta maktab qurʼa taşlaş orqali tanlab olingan. Tanlov natijasiga köra, Amudaryo tumanidagi 15-sonli umumtaʼlim maktabi mazkur xalqaro baholaş sinovida iştirok etiş huquqini qölga kiritdi.
Maʼlumot örnida qayd etiş joiz, mazkur tadqiqot Özbekiston Respublikasi Maktabgaça va maktab taʼlimi vazirining 2025-yil 28-avgust kungi “PISA–2025 xalqaro baholaşning asosiy sinov jarayonlarini ötkaziş töğrisida”gi tegişli buyruği asosida taşkil etilyapti.
PISA — Iqtisodiy hamkorlik va taraqqiyot taşkiloti tomonidan har uç yilda ötkaziladigan xalqaro baholaş dasturi bölib, unda öquvçilarning faqatgina nazariy bilimlari emas, balki hayotda uçraydigan muammolarni tahlil qiliş, yeçim topiş, tanqidiy fikrlaş va muloqot qiliş kabi funktsional könikmalari baholanadi.
Özbekistonda mazkur tadqiqotda iştirok etayotgan maktablar tasodifiylik printsipiga asosan tanlab olingan bölib, ular soni 233 tani taşkil etdi. Maktablar mamlakat hududlaridagi urbanizatsiya darajasiga qarab 27 ta guruhga bölingan bölib, Prezident maktablari esa qöşimça alohida guruh sifatida ajratildi.
PISA tadqiqoti nafaqat öquvçilar bilim darajasini, balki milliy taʼlim tizimining global özgarişlarga qay darajada moslaşa olişini baholaydi. Şu jihatdan, uşbu sinovlarda maktab öquvçilarining iştirokini taʼminlaş orqali taʼlim sifatini oşiriş, xalqaro tajribani örganiş va ilğor usullarni amaliyotga joriy etiş imkoni yaratiladi.
Öquvçilarning funktsional bilim va könikmalarini rivojlantiriş, xalqaro mezonlarga moslaşiş — bu faqat taʼlim sohasining emas, balki butun mamlakat taraqqiyotining muhim ustunidir.
Şohzod Qurbonboyev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
