Yosh tennischilar musobaqasi

Yaqinda 1- sonli Bolalar va oʻsmirlar sport maktabida 2000, 2001, 2002 va 2003, 2004, 2005-yillarda tugʻilgan oʻsmirlar va yoshlar oʻrtasida butunjahon tennischilar kuniga bagʻishlanib stol tennisi boʻyicha musobaqalar boʻlib oʻtdi.

Ushbu sport musobaqalarida 1-sonli va 3-sonli Bolalar va oʻsmirlar sport maktablaridan hamda 30-, 36-, 40-sonli umumtaʼlim maktablaridan yosh sportchilar ishtirok etdilar.

Stol tennisi boʻyicha 2000, 2001, 2002-yillarda tugʻilgan oʻsmirlar va yoshlar oʻrtasida oʻtkazilgan musobaqalarda Jamshidbek Yusufboyev faxrli birinchi oʻrinni, Asadbek Yusufboyev faxrli uchinchi oʻrinni, 2003, 2004, 2005-yillarda tugʻilgan oʻsmirlar va yoshlar oʻrtasida oʻtkazilgan musobaqalarda esa Javlonbek Yusupov faxrli birinchi oʻrinni, Shahzodbek Soliyev faxrli ikkinchi oʻrinni egalladilar.

Musobaqa gʻoliblari medallar, diplomlar va esdalik sovgʻalari bilan taqdirlandilar.

B.RAJABOV.