GRIPP – YuQUMLI KASALLIK, UNDAN OGOH BOʻLING!
Salqin kunlar boshlanishi bilan aholi oʻrtasida gripp va oʻtkir respirator infektsiyalar bilan kasallanish koʻpayadi. Kasallik manbai bemor odam hisoblanadi. Kasallik odamdan odamga havo-tomchi va muloqot yoʻli bilan yuqadi. Yaʼni, gaplashganda, aksirganda, salomlashganda va boshqa bemor foydalangan anjomlardan foydalanganda yuqishi mumkin. Virus organizmga burun-tomoq orqali kiradi va organizmga tushgandan keyin yashirin davri bir necha soat boʻladi. Yashirin davridan keyin kasallik belgilari yuzaga chiqadi.
Kasallik asosan bosh ogʻrigʻi, mushaklarda ogʻriq, tana haroratining koʻtarilishi, yoʻtal, angina, tumov va burun oqishi bilan kechadi. Ayrim hollarda qayt qilish va ich ketish holatlari kuzatiladi. Bemorga oʻz vaqtida tibbiy yordam koʻrsatilmasa, ogʻir oqibatlarga olib keladi.
Gripp kasalligining oldini olish uchun maxsus vaktsinalar ishlab chiqarilgan. Yilda bir marta gripp kasalligiga qarshi vaktsinalar bilan emlangan bolalar va kattalar ham gripp kasalligiga chalinishmaydi.
Gripp kasalligining oldini olish uchun uy xonalarini tez-tez shamollatib turish, shaxsiy gigiyena qoidalariga rioya qilish, mehnat va dam olishni toʻgʻri tashkil etib, darmondorilarga boy boʻlgan oziq-ovqat mahsulotlaridan isteʼmol qilish zarur, organizmning toliqishiga aslo yoʻl qoʻymaslik kerak.
Shuni unutmaslik kerakki, savdo, transport, tibbiyot xodimlari hamda koʻpchilik bilan muloqotda boʻluvchi shaxslar doka niqoblardan foydalanishlari, niqobni har 3-4 soatda almashtirib turishlari tavsiya etiladi. Bundan tashqari, tez-tez qoʻllaringizni sovunlab yuving, mavsumiy gripp kasalligiga qarshi vaktsinalar bilan emlaning.
Yuqoridagilarga amal qilinsa, gripp kasalligi tarqalishining oldini olishga oʻz hissamizni qoʻshgan boʻlamiz. Har bir inson oʻz sogʻligi uchun oʻzi masʼul ekanligini aslo unutmaylik!
Gulshod TOJIBOYeVA,
tuman DSENM epidemiologiya boʻlimi mudirasi, oliy toifali epidemiolog.
(Foto - fikr.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
