Gʻunchadan gullar ochilar
Koʻngil – cheki-chegarasi yoʻq dunyo. Uning bagʻri goho tor, goho keng. Salgina quvonchdan insonning koʻngil dunyosi toshqin daryoga aylanadi, mehrga, quvonchga tashna yuraklar tomon oshiqadi bu daryo. Shu kabi salgina tashvish, gʻam yuki bu toshqin daryoni toʻsadi, quritadi yoki soʻndiradi. Doʻrman ovulida tugʻilib-oʻsgan Sardorbek Kenjaboyevning oʻz koʻngil daryosi bor. Goh toshqin, goh joʻshqin va gohida sokin...
Har bir inson oʻz koʻnglida podshoh, deydilar. Fikrlari aqiqday serjilo, oʻychan soʻzlari, oʻktam, dadil qadamlari kishini hayratga solguvchi Sardorbek Kenjaboyev ham oʻz koʻngil dunyosining podshohi. U dilidagi orzusini ham, gʻam-u tashvishini ham koʻngil amri bilan inja satrlarga marjondek tizishga intiladi. Bu intilish uning sheʼriy mashqlarida yaqqol seziladi.
Ilk sheʼriy toʻplamini “Koʻnglim qoʻshiqlari” deb nomlagan Sardorbek Kenjaboyevning har bir satrida ona yurtga muhabbat, doʻstlarga mehr, maʼnaviyatga tashnalik, vatanparvarlik tuygʻulari mujassamki, bu nafis sheʼriyat, albatta oʻz muxlislarini topishiga ishonamiz.
Sardorbek hali juda yosh, endigina 15 yoshga qadam qoʻydi. Lekin sheʼriyat boʻstoni aro qoʻyayotgan qadamlarida dadillik, oʻziga nisbatan qatʼiy ishonch bor. Garchi satrlarida badiiy jihatdan mukammallik yetishmasa-da, mashqlarida oʻziga xoslik, koʻngillarga xush yoquvchi goʻzal tashbehlar bor.
Sardorbek ayni kunda Doʻrman ovulidagi 20-sonli umumtaʼlim maktabida aʼlo baholarga oʻqimoqda. U oʻz koʻngil qoʻshiqlari bilan sheʼriyat shaydolarining koʻngillaridan joy olishiga ishonamiz.
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
