TILOVBOY OTANING BOŞQAÇA ÖĞLI

Xidirboy serfarzand oilada voyaga yetdi. U Tilovboy ota bilan Oymon onaning uçinçi farzandi edi. Özidan boşqa 10 nafar aka-uka, opa-singillari har bir masalada Xidirboyga maslahatgöy, sirdoş va döst kabi mehribonlik körsatişardi. Tilovboy ota öqimişli hosilot – agronom edi. Ilm-u maʼrifatli otasidan mehnatkaşlikni, pişiq-puxtalikni, ilmni qadrlaşni örgangan farzandlar ham el-yurtda kam bölişmadi. Beş aka-ukaning barçasi oliy maʼlumotli bölişib, el-yurtda obrö-eʼtibor qozonganlaridan mamnun Tilovboy ota faxr bilan sözlaydilar:

– Avval farzandlarim 11 nafar edi, kelin-u kuyov bolalarim bilan 22 nafar bölişdi, nevaralarimning hisobidan adaşib ketaman, ming şukur, – deydi otaxon. – Ammo, şu Xidirboy öğlim baribir boşqaça.

Tilovboy ota taʼrif berganlariday, Xidirboy Tojimov haqiqatdan ham bolaligidan boşqaça edi. Maktabda eng aʼloçi öquvçi, Toşkent Davlat Tibbiyot institutida kursdoşlari orasida eng bilimdon, izlanuvçan talaba, kamgap va kamtarin, biror bir masalada fikr aytiş galida qatʼiyatli va çörtkesar inson, samimiy döst sifatida tanildi. 1988-yilda institutni muvaffaqiyatli tugatgan Xidirboy Tojimov iş faoliyatining ilk internatura bosqiçini Rossiyaning Tyumen şahar şifoxonasida ötkazdi. Amaliy iş faoliyatining bir yillik internatura bosqiçini muvaffaqiyatli ötagan Xidirboyga Qönğirot tuman markaziy şifoxonasiga yöllanma berişdi. Bu yerda bir yil davomida tibbiyotning jarrohlik yönalişi böyiça öz mahoratini oşirgan Xidirboy Tojimov 1990-yildan 2001-yilgaça özi tuğilib-ösgan Amudaryo tuman Tibbiyot birlaşmasi huzuridagi köp tarmoqli poliklinikada onkolog-şifokor sifatida xalqqa samarali xizmat qildi.

Işda talabçan va izlanuvçan, öz sohasi böyiça bilimdon bu yigitga işonç bildirişib, 2001-yilda tuman Tibbiyot birlaşmasi huzuridagi taşhis bölimi mudirligiga tayinlaşdi. Bir vaqtning özida bölim rahbarligi hamda endoskopist-şifokor vazifalarini aʼlo darajada uddalaşga erişgan Xidirboy Tojimovni 2012-yilda tuman Tibbiyot birlaşmasi boşliğining örinbosari lavozimiga tayinladilar.

Fidoyilikning mukofoti – işonç, – deydi xalqimiz. Qariyb 30 yillik şifokorlik faoliyati davomida özi rahbarlik qilgan tibbiyot birlaşmasi taşhis bölimida havas qilarli darajada namunali mehnat intizomi yaratib, bölimning eng zamonaviy tibbiyot asbob-anjomlari bilan taʼminlanişiga erişgan, jarroh-onkolog, şifokor-endoskopist sifatida köplab insonlarga hayot quvonçini ato etgan Xidirboy Tojimovning bugungi kunda önlab şogirdlari el-yurt salomatligi fidoyilaridir.

–Insonning neki qilgan yaxşi işi bölsa, el-yurt aytsin, xalqning bahosi – haqiqiy baho, - deydi Xidirboy Tojimov. – Men esa öz zimmamdagi vazifamni ado etayapman, xolos.

Xidirboy Tojimov oilada ham qatʼiyatli va talabçan ota, mehribon va hurmatli umr yöldoş. Rafiqasi Şirinoy 52-sonli maktabda öqituvçi. Bu ziyoli oila tarbiyasini olgan ikki nafar öğillarining biri – Ğulomjon Toşkent Davlat pediatriya institutining Nukus filialida, Odilbek esa Qoraqalpoq Davlat Universitetida tahsil olişmoqda. Ayni paytda 85 yoşga tölgan Tilovboy otaning: “Xidirboy öğlim boşqaça”, – deya quvonganlariça bor, Xidirboyning öğillari ham boşqaça – otasiga tortişgan – intiluvçan, qatʼiyatli va bilimdon.

Hayot ana şunday insonlar bilan gözal, zavqli. Biz fidoyi inson Xidirboy Tojimovning oila aʼzolariga hayotingiz hamişa zavqqa tölsin, soğlik va baxt hamrohingiz bölsin, – deymiz.

Robiya YÖLDOŞEVA.