10 nafar harbiy xizmatchilar turmush oʻrtoqlari iqtidori sinovdan oʻtkazildi
Keyingi yillarda harbiy xizmatchilarning turmush sharoitlarini yaxshilash, ularning oila aʼzolarining ishdan boʻsh vaqtlarida koʻngilli dam olishlariga imkoniyatlar yaratishga alohida eʼtibor berilmoqda.
Shunday saʼy-harakatlardan biri – yaqinda tumanimizda joylashgan 92-02 D va 92-02 K harbiy qismlarida xizmat qilayotgan xizmatchilar turmush oʻrtoqlari orasida tanlov oʻtkazildi.
Harbiy qismlar rahbariyati va tuman Xotin-qizlar qoʻmitasi hamkorligida tashkillashtirilgan ushbu tanlovda pazandalik, tikuvchilik, turmush oʻrtogʻiga boʻyinbogʻ taqish, farzandiga alla aytish, kitobxonlik, bilimdonlik boʻyicha 10 nafar harbiy xizmatchilarning turmush oʻrtoqlari oʻzlarining mahoratlarini namoyish etdilar.
Aslida oddiydek koʻringan buningdek kundalik yumushlarda ayollarning mohirligi, uquvliligi turmush oʻrtogʻining mehrini qozonishida, oilaviy tinch-totuvlikni mustahkamlashda muhim ahamiyat kasb etadi. Boisi, bu yumushlarning ixlos bilan ado etilishi zamirida ayollarning eriga nisbatan hurmat-ehtiromi mujassamdir. Shu boisdan ham oʻn nafar harbiy xizmatchilar turmush oʻrtoqlari pishiriq pishirish, 10 daqiqa ichida harbiy libosga 4 dona katta, 4 dona kichik tugma qadash, tezlik bilan chiroyli qilib boʻyinbogʻ qadash, mayin ovozda mazmunli alla aytish, oʻzbek va jahon adabiyoti namunalaridan oʻqigan eng sara asarlari sonini aytib, ulardan birining mazmunini soʻzlab berish orqali, shuningdek, uyda mehmon kutish, ovqatlanish, kiyinish va bola tarbiyasi, oilaviy hayotga taalluqli savollarga aniq va loʻnda javob berish orqali bilimdonligini namoyish etish kabi shartlarni juda oson va koʻngilli tarzda ado etdilar, tanlov xuddi bayram tusini oldi. Ishtirokchilarning tanlov shartlarini ado etishini yaqinlari qarsaklar bilan qoʻllab-quvvatlab, ruhlantirib turdilar.
Tanlov natijalariga koʻra gʻoliblar aniqlanib, esdalik sovgʻalari bilan ragʻbatlantirildi.
O.Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
