Davlat bayrogʻiga sodiqlik – Vatanga sodiqlik

17-noyabr kuni Amudaryo tumanidagi 69-sonli umumaʼlim maktabida 18-noyabr – Oʻzbekiston Respublikasi Davlat bayrogʻi qabul qilingan kun munosabati bilan “Bayroqqa sadoqat – yurtga sadoqat” deb nomlangan bayram tadbiri oʻtkazildi.

Maktab oʻqituvchilari va oʻquvchilari ishtirokida oʻtkazilgan ushbu tadbirda maktab direktorining oʻquv ishlari boʻyicha oʻrinbosari B.Ishimova davlatimiz ramzlari haqida maʼruza qilib, shu ramzlardan biri hisoblangan bayrogʻimiz haqida keng toʻxtaldi.

Shundan keyin oʻquvchilar davlatimiz bayrogʻiga boʻlgan sodiqlik va hurmatlarini sheʼrlari va qoʻshiqlari bilan ifoda qildilar.

Tadbirda faol ishtirok etgan oʻquvchilar maktab maʼmuriyati tomonidan faxriy yorliqlar bilan taqdirlandilar.

A.Jumaniyozov.