Noqonuniy savdo oqibati
Oʻzbekiston Respublikasi hududida spirt va alkogolli mahsulotlarining noqonuniy ravishda ishlab chiqarilishi va muomalaga kiritilishini tartibga soluvchi bir qancha meʼyoriy hujjatlar qabul qilinmoqda. Ammo ushbu qonunlarga barcha fuqarolar ham rioya qilavermaydi. Ana shunday noqonuniy harakatlarning oldini olish, aniqlash va bartaraf qilishda huquqni muhofaza qiluvchi organlarning hissasi katta.
Ushbu yoʻnalish boʻyicha Oʻzbekiston Respublikasi Bosh prokuraturasi huzuridagi SVOJJDLQK Departamenti Qoraqalpogʻiston Respublikasi Amudaryo tuman boʻlimi tomonidan 2013-yil boshidan shu kungacha olib borilgan tadbirlar natijasida bir 1 holatda jinoyat ishi qoʻzgʻatilib, huquqbuzardan 361100 soʻmlik qoʻlbola usulda tayyorlangan spirtli ichimliklar hamda qoʻlbola aroqlar qopqoqlariga yelimlangan qalbaki aktsiz markalari ashyoviy dalil sifatida olindi.
2013-yil 11-iyul kuni oʻtkazilgan tadbir natijasida Oʻrta-qalʼa OFY tarkibidagi "Bogʻ” mahallasida yashovchi N.K. Mangʻit dehqon bozorida noqonuniy ravishda spirt va spirtli ichimliklarni sotish bilan shugʻullanib yurgan paytida uning yonidan sotish maqsadida olingan bir xil raqamdagi qalbaki aktsiz markalari yopishtirilgan 4 shisha "Qaratau” etiketkali aroq, 2 dona 1,5 litrlik plastmass idishlarga solingan 3 litr spirt, 169 dona shisha qopqoqlar, 650 dona har xil aroq etiketkalari, 140 dona qopqoq ustiga yopishtiriladigan plyonkalar va 44 dona bir xil raqamdagi qalbaki aktsiz markalar ashyoviy dalil sifatida qoʻlga olindi. Fuqaro N.K. oʻz uyida noqonuniy ravishda etil spirtidan qoʻlbola usulda aroq ishlab chiqarib, sotayotganligi aniqlandi va OʻzR JKning tegishli moddalari bilan jinoyat ishi qoʻzgʻatilib, jinoiy javobgarlikka tortildi.
Fuqarolarimizning qonunlarni yaxshi bilmasligi ularni jazodan ozod qilishga asos boʻla olmaydi. Agarda ular ommaviy axborot vositalarida eʼlon qilinayotgan axborotlardan xabardor boʻlganlarida edi, yuqoridagi kabi salbiy holatlar yuz bermagan, fuqaro N.K. ham noqonuniy yoʻl bilan daromad topishga urinmagan boʻlardi.
I.Ibragimov.
OʻzR Bosh prokuraturasi huzuridagi SVOJJDLQK Departamenti tuman boʻlimi surishtiruvchisi.
(Foto - http://anons.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
