Muvofiqlashtiruvchi kengash yigʻilishi

2014-yil 8-yanvar kuni tumanimiz muhofaza qiluvchi organlarining 2013-yil yakunlari boʻyicha muvofiqlashtiruvchi kengashi yigʻilishi boʻlib oʻtdi.

Yigʻilishda mahalla oqsoqollari, maslahatchilari, xalq taʼlimi muassasalari vakillari, huquqni muhofaza qiluvchi organlarining ishchi va xizmatchi xodimlari, jamoat tashkilotlari vakillari ishtirok etdilar.

Yigʻilishni tuman prokurori, adliya maslahatchisi Farhod Ollombergenov kirish nutqi soʻzlab ochdi va olib bordi. Kun tartibida 2014-yilda jinoyatchilikni kamaytirish asosiy masalalar sifatida koʻrildi. F.Ollombergenov 2013-yilning 12 oyi mobaynida tumanda jinoyatchilikka qarshi kurash hamda qonuniylikni mustahkamlash borasida tumanda huquqni mustahkamlash borasida tumanda huquqni muhofaza qiluvchi idoralar tomonidan oʻzaro hamkorlikda muayyan ishlar amalga oshirilganligini, aytib oʻtdi.

Shuningdek, u bu ishlarni amalga oshirishda Prezidentimiz farmonlari, hukumat qarorlari va harakatdagi qonunlar ijrochi, Oʻzbekiston Respublikasi Bosh prokurorning boʻyruq va koʻrsatmalarining ijrosini taʼminlashga alohida eʼtibor qaratilganini, taʼkidladi. Yilishda tuman prokurori yordamchisi R.Xolmurodov soʻzga chiqib, oʻtgan 2013-yil mobaynida qonuniylikni mustahkamlash, jinoyatchilikka qarshi kurashish hamda huquqbuzarlikning oldini olish borasida bir qancha ishlar amalga oshirilganligini, natijada aksariyat sohalardagi koʻrsatkichlar oʻtgan 2012-yilning shu davriga nisbatan yaxshilanishiga hamda prokuratura faoliyatining samaradorligining oshishiga erishilganligini aytdi.

Ammo tumanimiz hududida 2013-yilning 12 oyi davomida umumiy jinoyatchilik 249 tani, 2012-yilning shu davrida 235 tani tashkil etgan, yaʼni 2012-yilning shu davriga nisbatan umumiy jinoyatchilik 14 taga koʻpaygan.

Umumiy jinoyatlarning ochilishi esa joriy yilning shu kuniga qadar 91,5 foizni, oʻtgan yilda esa 89,4 foizni tashkil etgan.

Tuman hududida sodir qilingan jinoyatlardan bosqinchilik, firibgarlik, giyohvandlik bilan bogʻliq jinoyatlar kamaygan bir paytda, talonchilik, nomusga tegish, bezorilik, tovlamachilik, odam savdosi bilan sogʻliq jinoyatlarning oʻsib ketishiga yoʻl qoʻyilgan.

Muqaddam sudlangan shaxslar, ishsizlar, guruhlar tomonidan sodir qilingan jinoyatlarning joriy yil davomida kamayishiga erishilgan.

Hammamizga maʼlum, odam savdosi masalasi insoniyatning maʼnaviy, ijtimoiy taraqqiyotga salbiy taʼsir etib, davlatlarda migratsiya jarayonlarining keskin oʻzgarishiga xalqaro jinoyatchilikni oʻsishiga, inson huquqlarning buzilishiga sabab boʻlmoqda.

Shu, bois, odam savdosiga qarshi kurashish bugungi kunda dunyodagi global muammolardan biri hisoblanadi. Davlatimizda "Odam savdosiga qarshi kurashish haqida”gi qonun qabul qilingan, shuningdek odam savdosidan jabrlanganlar uchun markaziy Osiyoda yagona boʻlgan milliy markaz tashkil etilgan.

Respublikamizda, shu jumladan tumanimiz hududida odam savdosiga qarshi kurashish, oldini olish, aholi xavfsizligini taʼminlash, hushyorlikni oshirish, bu borada jamoatchilik rolini kuchaytirish yuzasidan oʻtkaziladigan uchrashuvlar jadvali ishlab chiqilib, bu boʻyicha maʼlum darajada ishlar olib borilgan.

Amudaryo tumani prokuraturasi tomonidan tumandagi umumtaʼlim maktablari va kasb-hunar kollejlarida oʻquvchilarning bandligini taʼminlash hamda taʼlimning keyingi bosqichiga jalb qilish maqsadida ota-onalari ishtirokida har bir oʻquv muassasalarida uchrashuvlar oʻtkazilib, korxona, tashkilotlar, fermer xoʻjaliklari va boshqada ish oʻrinlari mavjud boʻlgan tashkilotlar bilan uch tomonlama shartnomalar tuzishda hamkorlikdagi xizmat sohalari bilan ishlar olib borilmoqda.

Yigʻilish yakunida, joriy yilda jinoyatchilikni kamaytirish yuzasidan qilinishi zarur boʻlgan ishlar belgilab olindi.