KEChIRIMLILIK INSONIY FAZILATDIR
Kechira oladigan inson eng kuchli insondir, degan donolarimiz gapini eshitganmisiz? Haqiqatan shunday. Menimcha, birinchi boʻlib kechirim soʻragan inson ham kuchli. Oʻsha insonda insoniylik xislati ustun. Axir xatoni tan olishning oʻzi ham bir jasorat. Baʼzida esa buning uchun ojizlik qilamiz. Yaqinlarimizning kichkina xatosidan ham ranjib, kechirishni istamaymiz. Oʻzimizning xatolarimiz esa koʻzimizga koʻrinmay, kechirim soʻrashni xayolimizga ham keltirmaymiz. Bu bilan katta xatoga yoʻl qoʻyganimizni bilmaymiz. Natijada kimimiznidir yoʻqotamiz.
“Meni kechirasizmi” yoki “kechiring” jumlasining tilingizdan yangrashi qaysidir rishtalarni mustahkamlab, sizni yoʻqotishlardan asraydi. Kimdandir uzr soʻrash hamma aybni boʻyningizga olish yoki oʻzingizni yerga urish degani emas. Aksincha kechirim soʻrash, kechirimli boʻlish eng oliy insoniy fazilatdir.
Kimdir koʻnglingizni ogʻritsa, hukm chiqarishga shoshilmang. Axir atrofingizdagi har bir insonning hayotingizda oʻz oʻrni bor. Atrofimizdagilar – hayotimizning bir boʻlagi. Ular ham qaysidir boʻshliqni toʻldirib turadi.
Arzimagan bahonalar sabab kimningdir koʻngliga ozor bermasligimiz, ginalarni unutishga harakat qilishimiz, rishtalarni uzishga emas, mustahkamlashga harakat qilishimiz kerak.
Shunda yaqinlarimiz safi kengayadi. Atrofimizdagi doʻstlarimizga mehr ulashaylik, koʻnglini ziyorat etaylik. Kechirimli boʻlaylik!
Manzura SAFARBOYeVA, 33-maktab psixologi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
