“XALQ KUTUBXONASI”DA KITOB HAFTALIGI OʻTKAZILAYaPTI

Amudaryo tumanidagi Doʻrman ovul fuqarolar yigʻinida faoliyat koʻrsatayotgan “Xalq kutubxonasi”da joriy yilning 1-5-aprel kunlari oraligʻida “Bolalar va oʻsmirlar kitob haftaligi”ni oʻtkazishga alohida tayyorgarlik koʻrildi.
- Bizning kutubxonamiz 500 dan ziyod kitob fondiga ega, - deydi kutubxona mudirasi Yoqitjon Boltayeva. – Bu kitoblarimizning asosiy oʻquvchilari 20-sonli umumtaʼlim maktabi oʻquvchilari hisoblanishadi. Hozirgi kunda oʻtkazilayotgan “Bolalar va oʻsmirlar kitob haftaligi”da kitob oʻqish boʻyicha ular yanada faollik koʻrsatishayapti.
Biz 2-aprel – Xalqaro bolalar kitobi kunida ushbu kutubxonada boʻlib, haftalik doirsida faollik koʻrsatayotgan yosh kitobxonlar Dostonbek Yoʻldoshev, Jasur Haytimbetov, Intizor Rimbayeva va Durdona Raximbayevalar bilan tanishdik. Biz ularning kitobxonlikka boʻlgan qiziqishlarini, kitob oʻqishga boʻlgan intilishlarini koʻrib hursand boʻldik

.

A.Jumaniyozov.