OʻQUVChI HAQMI YoKI OʻQITUVChI?

Guljahon oltinchi sinfda oʻqiydi, u tezroq ulgʻayib, Zulfiyaxonimdek shoira boʻlishni niyat qilgan. 3-sinfga oʻtayotganda ilk sheʼri tuman gazetasida yoritilgan. Guljahon juda oqkoʻngil, beozor, bilimga chanqoq.

Kecha Guljahonning oyisi betob boʻlib qoldi va u maktabga bora olmadi. Mehnatsevar, mehribon bu qizaloq hamma ishlarni oʻz zimmasiga oldi.

Ertasiga ertalab Guljahon qalbida junbushga kelayotgan tuygʻularni qogʻozga tushirib, yangi sheʼrini ustozi va sinfdoshlariga oʻqib berish maqsadida maktab tomon oshiqdi. Shu payt onasiga dori olish kerakligi esiga tushib, dorixona tomonga qayrildi. Dorini olib, uni onasiga berib, maktabga kelganida esa dars boshlanib ketgan edi. Yoʻlda birozgina charchagan qizaloq sinfiga kirayotib salom berib, ustozidan uzr soʻradi. Matematika fani oʻqituvchisi Guljahonning salomini eshitmadimi yo xushlamadimi: “Salom bermasdan sinfga kirish doimiy odatingmi?”- dedi. Guljahon ustoziga qaytadan salom berib, uzr soʻradi.

Oʻqituvchi: “Menga oʻyin qilayapsanmi? Nega qayta-qayta uzr soʻrayapsan-u salomni unutasan?” - deb Guljahonga sinfning bir burchagida tik turishini taʼkidladi. Sinfdagi barcha oʻquvchilar Guljahon haqligini aytib, uning joyida oʻtirishini xohladi. Asabiylashgan oʻqituvchi bolalarning talabiga quloq solmadi.

Bu orada dars boshlanganiga 25 daqiqa boʻlgandi.

Darsga kechikib kelish oʻquvchining aybi lekin oʻz vaqtida tan olingan xatoni kechira bilish va toʻgʻri tarbiyalash kattalarga xos toʻgʻri ishdir.

Axir Guljahon oʻquvchilar qoidasini buzgani uchun ustozidan kechirim soʻradi, uzrini aytdi-ku! Ustoz esa… Oʻquvchini kechirib, darsni boshlayverish oʻrniga oʻzi xatoga yoʻl qoʻydi: bir soatlik darsning 25 daqiqasini boy berdi. Sinf toʻla oʻquvchilarning “Guljahon haq!” degan talablariga teskari ish qildi. Shunday emasmi, azizlar? Siz qanday fikrdasiz?

Dildora PAJABOVA, “Doʻstlik” mahallasi.