“Ofarin” jamoasi sanʼatkorlari Xoʻjaylidagi Mehribonlik uyida tadbir oʻtkazdi

Xoʻjayli tumanidagi Mehribonlik uyida tarbiyalanayotgan bolalarning tavallud kunlari har oyda nishonlanib boriladi. Ularning ham eʼtiborda ekanligini his qildirish va mehr koʻrsatish maqsadida shu munosabat bilan tadbirlar, musiqiy kechalar tashkillashtiriladi va sovgʻalar berilib, bolalarga gʻamxoʻrlik koʻrsatiladi.
Tumanimizdagi “Ofarin” folklor-etnografik xalq jamoasi tashabbusi bilan aprel oyida tugʻilgan bolalar uchun mehribonlik uyida tugʻilgan kun tadbiri oʻtkazildi. Tadbirda jamoa sanʼatkorlari tomonidan tayyorlangan musiqiy dastur namoyish etildi.

Mehribonlik uyida tarbiyalanayotgan bolalar oʻz tavallud kunlarini koʻtarinki kayfiyat bilan nishonlashdi.

Nasiba Eshchonova,

tuman Madaniyat markazi mutaxassisi.