“ShIPIN BULOQ”LIKLAPNING YuKSAK GʻALLA XIPMONI

“Xizr eli” MFY hududidagi gʻallachilik, bogʻdorchilik, baliqchilik, parrandachilik va chorvachilikka ixtisoslashgan koʻp tarmoqli “Shirin buloq” fermer xoʻjaligiga Olimboy  Olloberganov rahbarlik qiladi. Xoʻjalik rahbarining tashabbuskorligi va talabchanligi bois, 25 bosh qoramol, 200 ga yaqin parranda 20 bosh qoʻy-echki zooveternariya qoidalariga mos parvarish qilinmoqda. 4,5 gektar maydondagi olmazor va uzumzor bogʻ esa shigʻil mevaga kirgan. Xoʻjalik tasarrufidagi 10 gektarlik koʻlda bir necha turdagi baliq yetishtiriladi. Gʻalladan esa har yilgi mavsumda  moʻl-koʻl hosil olinadi.

Joriy yilda “Shirin buloq”lik gʻallakorlar 21 gektar yerdagi kuzgi bugʻdoydan shartnomaviy-rejadagi 47,5 tonna oʻrniga 63 tonna yuqori sifatli “qirmizi don” xirmoni bunyod etdilar. Hosildorlik har gektar hisobiga 30 tsentnerni tashkil etdi. Hosilni nest-nobud qilmay yigʻishtirib olishda kambaynchi Bobomurod Nurimov, ijarachi Toʻlqin Oʻrozboyev, fermer xoʻjaligi ish yurituvchisi Nodir Olloberganov hamda “Mahalla posboni” jamoatchilik tuzilmasi rahbari  Botir Norimbetovlar fidoyilik bilan mehnat qildilar.