“Barchasi oʻz qoʻlingda” targʻibot dekadasi doirasida futbol musobaqasi oʻtkazildi

Yoshlar oʻrtasida sodir etilayotgan huquqbuzarliklarning barvaqt oldini olish, ularning siyosiy-huquqiy bilimlarini oshirish maqsadida respublikaning barcha hududida Oʻzbekiston yoshlar ittifoqi har oyda “Barchasi oʻz qoʻlingda” shiori ostida targʻibot dekadasi – oʻn kunligi tadbirlarini oʻtkazmoqda.  Tadbir doirasida nazoratsiz  qolgan voyaga yetmagan yoshlar oʻrtasida yakka suhbatlar, tushuntirish ishlari, tibbiy koʻrik va tungi reydlar, sogʻlom turmush tarzini shakllantirish boʻyicha turli sport musobaqalari tashkil etilmoqda.

14-iyun kuni tumanimizda ham mazkur dekada  doirasida Yoshlar ittifoqi tuman Kengashi va tuman IIB hamkorligida mini futbol musobaqasi oʻtkazildi. Musobaqaga IIO Probatsiya guruhi hisobida turgan yoshlar jalb etildi. Unda Yoshlar ittifoqi tuman Kengashi tomonidan kafillikka olingan yoshlar ham faol qatnashishdi.

Qizgʻin oʻtgan musobaqa gʻoliblari  tashkilotchilar tomonidan diplom va sovgʻalar bilan taqdirlandilar.

D.Abdurahmonova.