EKINLARNI VAQTIDA OZIQLANTIRISh HOSILDORLIKNI OShIRADI

Qishloq xoʻjaligi ekinlaridan moʻl va sifatli hosil olish, yuqori hosildorlikka erishishda agrotexnik tadbirlarni oʻz vaqtida va sifatli oʻtkazish muhim oʻrin tutadi.  
Gʻalla va paxta hosildorligini oshirish uchun ularni mineral oʻgʻitlar bilan oziqlantirish, qondirib sugʻorish kabi tadbirlarga tumanda alohida eʼtibor qaratib kelinmoqda. Gʻalla va paxta maydonlariga “Agrokimyohimoya” HAJ tuman filiali tomonidan  kerakli oʻgʻitlar, kimyoviy vositalar muddatida yetkazib berilib, zarur xizmatlar koʻrsatilmoqda.  
Tumanda  gʻalla ekilgan  3350 gektar maydonga birinchi oziklantirish davrida gektariga  200 kg.dan 670 tonna azotli oʻgʻitlar yetkazib berildi. Ikkinchi oziklantirishda gektariga 250 kg.dan 837,5 tonna, uchinchi oziklantirishda esa gektariga 150 kg.dan jami 2010 tonna    azotli oʻgʻitlar sarflandi.
Shuningdek, 15250 gektar paxta  maydonining har gektariga oʻrtacha 50 kg.dan jami 762,5 tonna  miqdorda kaliyli, har  gektariga oʻrtacha 174 kg.dan jami 2715,6 tonna fosforli oʻgʻit sarflandi. Paxtani birinchi, ikkinchi va uchinchi oziqlantirishda ham yetarli miqdorda azotli oʻgʻitlar va kimyoviy vositalar berildi.
“Agrokimyohimoya” HAJ tuman filiali tomonidan tumanimiz aholisiga va fermer xoʻjaliklariga xizmat koʻrsatish uchun “Aʼlo xizmat” otryadi tashkil etildi. Bu otryad tomonidan fermer xoʻjaliklaridan tashqari, tuman aholisining tomorqa yerlarida ham buyurtma asosida kimyoviy vositalar bilan zararkunandalar va hasharotlarga qarshi kurashish ishlari yoʻlga qoʻyildi.

  K.BOBOJONOV, “Qoraqalpoq agrokimyohimoya”

HAJ tuman filiali boshligʻi.