2013-YILDA TUMANIMIZ IQTISODIYoTI RIVOJI RAQAMLARDA...

Tadbirkorlikni rivojlantirish va qoʻllab-quvvatlash maqsadida 2013-yil davomida 13 mlrd. 555 mln. soʻm miqdorida kredit mablagʻlari ajratilib, 260 ta kichik biznes subʼektlari tashkil qilindi va ular soni 1958 taga yetdi.

Sanoat salohiyatini oshirish dasturiga kiritilgan jami loyiha qiymati 5 mlrd. 444 mln. soʻmlik 28 ta loyiha toʻliq amalga oshirilishi natijasida 306 ta yangi ish oʻrinlari yaratildi va ularda 3 mlrd. 402 mln. soʻmlik sanoat mahsulotlari ishlab chiqarilishiga erishildi.

Kichik biznes va xususiy tadbirkorlikni rivojlantirish hisobiga jami 2288 ta, shu jumladan sanoatda 139 ta, qurilishda 50 ta, xizmat koʻrsatish va boshqa sohalarda 1824 ta, yakka tadbirkorlikda 275 ta yangi ish oʻrinlari tashkil qilindi.