KUZ-QISh MAVSUMI YaQIN, TAYYoRGARLIKLAR QANDAY?

Mana kuz faslining ilk oyi ham orqada qoldi. Hademay,  kunlar sovib, uylarda,  koʻp qavatli uy-joylarda va barcha korxona,  tashkilotlar, ijtimoiy soha obʼektlarida isitish mavsumi boshlanadi. Bu mavsumni koʻngilsiz voqealar - yaʼni yongʻinlarsiz, talofatlarsiz oʻtkazish, albatta,   qanday tayyorgarlik koʻrilganiga bogʻliqdir.

Shu boisdan ham tuman Yongʻin xavfsizligi  boʻlimi xodimlari tomonidan tumanimizdagi  49 ta 2 qavatli turar joylarda fuqarolar bilan yongʻinlarning oldini olish  yuzasidan suhbatlar oʻtkazilib,  qozonxona va oshxonalarda oʻrnatilgan gaz plitalarning yongʻin xavfsizlik qoidalariga javob berish holati  koʻzdan kechirildi, aniqlangan kamchiliklar boʻyicha xonadonlar  egalariga  tushuntirish ishlari olib borilib, eslatmalar tarqatildi.

Umum taʼlim maktablari va maktabgacha taʼlim muassasalarida muassasa rahbarlari bilan birgalikda binoda oʻrnatilgan qizdirish qozonxona va pechlarning xavfsizligi xolati  koʻzdan kechirilib, aniqlangan kamchiliklar qisqa vaqt ichida  bartaraf etilishiga erishildi.

Yongʻinlar asosan fuqarolarning turar joylari, oshxona va molxonalarida  sodir boʻlmoqda. Bularga asosan uy egalarining yongʻin xavfsizligi qoidalariga eʼtibosizligi sabab boʻlmoqda.
Yongʻinlar esa davlatimiz, fuqarolarimiz mol-mulkiga ziyon yetkazibgina qolmay, insonlar hayotiga ham xavf solishi mumkin. Demak, yongʻin xavfsizligi qoidalarini bilish, amal qilish barchaga lozim boʻlgan  vazifadir.

M. Yusupov,
tuman YoXB inspektori,
katta serjant