MAPPA SAPI DADIL QADAMLAP TAShLANAYaPTI
Paxta yigʻim-terimi qizgʻin tus olgan shu kunlarda Amudaryolik paxtakorlar ham zoʻr gʻayrat namunalarini koʻrsatib mehnat qilmoqdalar.
Hozirgi kunda tumanimiz paxta dalalarida fermer xoʻjaliklarining 8000 nafarga yaqin terimchilari va 15000 nafarga yaqin tashabbuskor, koʻngilli terimchilar fidokorona mehnat qilmoqdalar. Ularning gʻayrat-shijoatlari tufayli shu kungacha tuman boʻyicha 26 ming tonnadan ziyod “Oq oltin” terilib, bu boradagi shartnomaviy reja 82 foizga bajarilishiga erishildi.
Tumanimizda paxta yigʻim-terimining jadal surʼatlarda olib borilishiga munosib hissa qoʻshayotgan ilgʻor fermer xoʻjaliklari safi kun sayin kengayib borayapti.
Jumladan Boʻz yop ovulidagi Aytboy Otaxon fermer xoʻjaligi paxtakorlari terim surʼatini kun sayin oshirib, ilgʻorlar safida borishayapti. Ushbu fermer xoʻjaligida shu kungacha shartnomaviy rejadagi 228 tonna oʻrniga 200 tonnaga yaqin paxta tayyorlandi. Xoʻjalik paxtakorlari tez kunlar ichida albatta koʻzlangan marrani ham egallashga muvaffaq boʻladilar.
Fermer xoʻjaligining ilgʻor terimchisi Shahlo Karimboyeva oilasi ayni kunda tumanlararo tashkil etilgan koʻpmingkilogrammchilar musobaqasida faol ishtirok etayapti.
Shuningdek, tumanimizning Qilichboy ovulidagi Yaqubboy Ashirov fermer xoʻjaligida ham paxta yigʻim-terimi uyushqoqlik bilan olib borilayapti. Ushbu fermer xoʻjaligida 81 nafar pudratchi va ovulning koʻplab yordamchi-terimchilari paxta yigʻim-terimida faol ishtirok qilishayapti.
Yaqubboy Ashirov fermer xoʻjaligi shu kungacha tumanimizning “Oq oltin” xirmoniga 213 tonnadan ziyod paxta topshirishga erishdi. Paxta yigʻim-terimida fermer xoʻjaligining Pavshanoy Davlatmurodova, Yangiljon Paximova, Karomat Boltabayeva va Aysaule Yermuxanova singari chevar terimchilari boshqalarga namuna boʻlmoqdalar.
Tumanimiz paxta xirmonining yuksalishiga Xitoy ovulidagi Oʻrazimbetov Qahramon fermer xoʻjaligi paxtakorlari ham oʻzlarining munosib hissalarini qoʻshmoqdalar. Ayni kunda fermer xoʻjaligida 47 nafar ijarachi va 55 nafar uyushmagan aholi hisobidan kelgan yordamchilar paxta terimida faol ishtirok etmoqdalar.
Fermer xoʻjaligi shu kungacha davlat xirmoniga 110 tonnadan ziyod paxta topshirib, yillik shartnomaviy rejasini salkam 90 foizga bajarishga erishdi.
Ayni kunda tumanimizning barcha fermer xoʻjaliklarida paxta yigʻim-terimi jadal surʼatlarda davom etayapti, marra sari dadil qadamlar tashlanayapti.
A.JUMANIYoZOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
