Xolimbeg ovuli va Ayoqchi mahallasi aholisiga koʻmir va gaz ballonlari yetkazib berildi
Bugungi kunda xalq murojaatini tinglash, aholi muammolarini joyida hal qilish, ularning xotirjam va farovon yashashlari uchun qulay sharoit yaratish muhim vazifaga aylandi. Prezidentimizning bu boradagi “Hududlarni kompleks ijtimoiy-iqtisodiy rivojlantirish boʻyicha sektorlar faoliyatini yanada takomillashtirishga doir qoʻshimcha chora-tadbirlar toʻgʻrisida”gi Qarori talablari ijrosini taʼminlash yuzasidan Qoraqalpogʻiston Respublikasi prokurori oʻrinbosari Sirojiddin Fayziyev va tuman prokurori Javlon Muftullayevlar tomonidan Xolimbeg ovuli va Ayoqchi mahallalarida sayyor qabullar oʻtkazilgan edi.
Mazkur sayyor qabulda shu hududda yashovchi fuqarolarning turli xil mazmundagi murojaatlari tinglandi. Aholi asosan koʻmir mahsulotlari oʻz vaqtida yetkazib berilmayotganligi, gaz ballonlari yetishmayotganligi hamda elektr taʼminotini yaxshilash, transformatorlarni almashtirish, tuman markaziga olib boruvchi, ichki qatnov yoʻllarini taʼmirlash boʻyicha muammolar mavjudligini gapirdi.
Sayyor qabul davomida kelib tushgan murojaatlarga yechim topish, mavjud muammolarni bartaraf etish va aholiga qulaylik yaratish maqsadida 2-sektor masʼullari tomonidan tegishli chora-tadbirlar koʻrildi. Shuningdek, ijrosi nazoratga olinib, Xolimbeg ovuliga 8 tonna koʻmir, 6 nafar fuqaroga gaz ballonlari va Ayoqchi mahallasiga ham 8 tonna koʻmir yetkazib berilishi taʼminlandi.
Xolimbeg ovuli va Ayoqchi mahallasi aholisi muammolar hal etilganidan nihoyatda mamnun boʻldilar.
Xurshid Allaniyazov,
2-sektor kotibi 3-darajali yurist.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
