Dzyu-do kurashi fidoyisi
Barchamizga maʼlumki, mustaqillikka erishgan kunimizdan buyon mamlakatimizda sportga katta eʼtibor qaratilmoqda. Sababi, biz sogʻlom boʻlib voyaga yetishimiz uchun sport katta ahamiyat kasb etadi. Sogʻlom boʻlish uchun esa, albatta, sport bilan shugʻullanish darkor. Yosh sportchilarni dunyoga tanitish, sport sirlarini oʻrgatish uchun esa yaxshi va tajribali murabbiy kerak. Bunday tajribali va malakali ustozlarimizning mehnati tufayli shogirdlari koʻplab musobaqalarda gʻoliblikni qoʻlga kiritib, Vatanimiz bayrogʻini koʻklarga koʻtarmoqda.
Tumanimizda ham tajribali murabbiylar talaygina. Bunday murabbiylardan biri Poʻlat Kumekov. U hozirgi kunda 2-sonli bolalar va oʻsmirlar sport maktabida dzyu-do kurashi boʻyicha 1-toifali murabbiy sifatida faoliyat olib bormoqda. U dzyu-do kurashi boʻyicha barcha sirlarni ustozi Bahrom Qurboniyozovdan oʻrgangan. Uning bevosita rahbarligida tuman va Respublika birinchiliklarida bir necha bor gʻoliblikni qoʻlga kiritgan. Jumladan, 2002-yilda ketma-ket Qoraqalpogʻiston Respublikasi birinchiligida, Qoraqalpogʻiston Respublikasining ochiq birinchiligida 1-oʻrinni, shuningdek 2003-yilda oʻtkazilgan Qoraqalpogʻiston Respublikasining ochiq birinchiligida, 2006-yilda esa kurash boʻyicha oʻtkazilgan Qoraqalpogʻiston Respublikasi birinchiligida, 2013-yil 4-5-may kunlari murabbiylar oʻrtasida dzyu-do kurashi boʻyicha oʻtkazilgan bellashuvlarda doimiy ravishda 1-oʻrinni qoʻlga kiritgan. Hozirgi kunda bu tajribali ustozimiz dzyu-do kurashi sirlarini oʻz shogirdlariga oʻrgatmoqda. Uning barcha shogirdlari ustozi yoʻlidan borib, Oʻzbekiston va Qoraqalpogʻiston Respublikasi miqyosidagi musobaqalarda gʻoliblikni qoʻlga kiritib, medallar bilan taqdirlanib kelishmoqda. Poʻlat Kumekov kasbdoshlari, jamoasi, tuman sportchilari orasida talabchanligi, bolalarga gʻamxoʻrligi, toʻgʻrisoʻzligi tufayli katta obroʻga ega. Hozirgi kunda ham Poʻlat Kumekov oʻz jamoasi bilan navbatdagi musobaqalarga tayyorgarlik koʻrmoqda. Biz Poʻlat Kumekov va uning jamoasiga kuch-quvvat va kelgusi ishlariga omadlar tilab qolamiz.
Qunduzoy YuSUPOVA,
16-sonli ixtisoslashtirilgan umumtaʼlim maktabi oʻquvchisi.
(Foto - http://judo.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
