Tuman mahalliy byudjetining 2019-yilgi ijrosi toʻgʻrisidagi hisobot

2019-yil  uchun tuman mahalliy byudjeti tasdiqlangan daromadlar rejasi 40mlrd.550mln. soʻmdan ziyod boʻlib, yil davomida kiritilgan oʻzgarishlardan keyin daromadlar rejasi 43mlrd.603mln.219ming soʻmni tashkil qildi. Ushbu rejaning yillik ijrosi 58mlrd.676mln.614,5ming soʻmga, yaʼni reja 134,6 foizga, 15mlrd.073mln.395,5 ming soʻmga ortiqcha bajarildi.

Bundan tashqari, Qoraqalpogʻiston Pespublikasi byudjetidan olingan maqsadli ijtimoiy transfertlar miqdori 139mlrd.170mln.823ming soʻmni tashkil qildi.

2019-yil uchun byudjet xarajatlari tasdiqlangan rejasi jami 179mlrd.720mln.783ming soʻm boʻlib, hukumat qarorlari va topshiriqlari asosida yil davomida kiritilgan oʻzgarishlardan keyin jami 223mlrd. 335mln. 189 ming soʻmni tashkil qildi. Yil davomida byudjet mablagʻlari xarajatlari hisobidan jami 237mlrd.498mln.175,5 ming soʻmlik mablagʻlar sarflandi.

Jumladan, Iqtisodiyot va qishloq xoʻjaligi sohasiga jami 21mlrd. 552 mln.168 ming soʻmga yaqin sarf-xarajat qilindi.

Maktabgacha taʼlim sohasiga jami 23mlrd. 586mln. 587,03 ming soʻm sarf-xarajat qilindi. Shundan maktabgacha taʼlim muassasasida taʼlim olayotgan bolalar oziq-ovqat xarajatlari uchun 4mlrd. 599mln. 115,5 ming soʻm sarflandi.

Taʼlim sohasiga jami 128mlrd. 744mln. 192,39 ming soʻm sarf-xarajat qilindi. Shundan isitish tizimini yaxshilash va binolarni taʼmirlash xarajatlariga jami 7mlrd. 222mln. 532 ming soʻm sarf qilindi.

Madaniyat va sport sohasiga jami 3mlrd. 238mln. 365,04 ming soʻm sarflandi. Sogʻliqni saqlash sohasiga sarf qilingan mablagʻ 46mlrd. 442mln. 920,95 ming soʻmdan iborat. Ushbu mablagʻlardan 628mln. 349,2 ming soʻm tibbiyot muassasida davolanayotgan beʼmorlar oziq-ovqat xarajatlariga, 1mlrd. 301mln. 875,1 ming soʻm bemorlarning dori-darmon xarajatlariga, 1mlrd. 740mln. 034,8 ming soʻm sogʻliqni saqlash muassasalarini taʼmirlash xarajatlariga ishlatildi.

Ijtimoiy taʼminot sohasiga 552mln. 121,37 ming soʻm sarf-xarajat qilindi. Boshqaruv organlari sohasiga 7mlrd. 675mln. 574,64 ming soʻm sarflandi. Oʻzini oʻzi boshqarish organlari sohasiga 3mlrd. 865mln. 042,08 ming soʻm ishlatildi. Zaxira jamgʻarmasi mablagʻlari uchun ishlatilgan mablagʻlar esa 1mlrd. 778mln. 355,79 ming soʻmni tashkil qildi. Shuningdek, boshqa xarajatlar uchun 62 mln. 848,48 ming soʻm mablagʻ sarf etildi.

 Tasdiqlangan rejadan tashqari tuman hokimining tegishli qaror va farmoyishlari asosida ham sarf-xarajatlar amalga oshirildi. Ushbu xarajatlar yil boshidagi erkin qoldiq mablagʻlari hisobidan 3 mlrd. 228 405,42 ming soʻm, daromadlar rejasining ortiqcha bajarilgan qismi mablagʻlari hisobidan jami 14 mlrd. 336mln. 379,13 ming soʻmni tashkil etdi.

Ushbu mablagʻlarning asosiy qismi tuman mahalliy byudjetidan moliyalashtiriladigan byudjet tashkilotlari xodimlarining ish haqi va unga tenglashtirilgan toʻlovlari, ijtimoiy soha binolarini taʼmirlashga hamda aholining turmush farovonligini oshirishga sarflandi.

U.Bekniyazov,
Moliya boʻlimi mudiri.