ShIFOKORLIK KASBINI ShARAFLAB...
Bugungi kunda jamiyatimizda ayollarning oʻrni tobora ortib bormoqda. Barcha sohalarda oʻzining aql-zakovati, bilimi, salohiyati bilan yuqori natijalarga erishayotgan ayollarimiz ham talaygina. Tumanimizda uzoq yillar davomida shifokorlik kasbi orqali xalqimizga xizmat qilib kelayotgan Habiba Nurimova ham ana shunday, jamiyatda oʻz oʻrniga ega boʻlgan, faol ayollardan biridir.
U maktabda oʻqib yurgan kezlaridayoq oʻz iqtidori, intiluvchanligi bilan tengdoshlaridan ajralib turar edi. 1985-yilda 22-sonli umumtaʼlim maktabini muvaffaqiyatli bitkazib, Oʻrta Osiyo tibbiyot Pediatriya institutiga oʻqishga kirdi. Oliygohni tamomlagandan soʻng, 1992-yilda tuman Tibbiyot birlashmasi bolalar boʻlimida navbatchi-pediatr boʻlib, oʻz ish faoliyatini boshladi. Habiba Nurimova 2003-2007-yillarda tuman Tibbiyot birlashmasining shoshilinch tibbiy yordam boʻlimida pediatr, 2007-2017-yillarda “Madaniyat” QVPda umumiy amaliyot shifokori, 2017-yildan esa 1-QOPda umumiy amaliyot shifokori boʻlib faoliyat yuritmoqda.
Hayotiy hamda ish tajribasi yuqori boʻlgan Habiba opa 4 nafar farzandini oqil, Vatanga nafi tegadigan komil farzandlar qilib tarbiyalab, voyaga yetkazdi. Ota-onaning toʻgʻri tarbiyasi natijasida uch nafar qizi hamda oʻgʻli oliy oʻquv yurtlari talabasi boʻlish baxtiga erishdi. Ikki nafari oʻqishni tamomlab, oʻz mutaxassisligi boʻyicha xalq manfaati yoʻlida xizmat qilishmoqda.
Habiba opa koʻplab shogirdlar ham tarbiyalab, tibbiyot sir-asrorlarini oʻrgatib kelmoqda. Ulardan S.Yoʻldosheva, M.Abdullayeva, D.Murtazayevalar ustozlarining ishonchini oqlab, tibbiyot sohasida eng namunali xodimlar sifatida faoliyat yuritishmoqda.
8-mart – Xalqaro xotin-qizlar bayrami munosabati bilan Habiba Nurimovani va barcha ayol-qizlarni samimiy muborakbod etamiz. Mamlakatimizda u kabi hayotda oʻz oʻrnini topgan, faol, tashabbuskor ayollar yanada koʻpaysin!
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
