Vahimaga berilmang, immun tizimingizni mustahkamlash uchun OZONOTERAPIYa muolajalaridan foydalaning!

Sharq tabobat ilmi donishmandlari inson immun tizimiga salbiy taʼsir koʻrsatuvchi omillardan biri vahimaga berilish ekanligini taʼkidlab, vos-vos kasalligi eng avvalo asab tizimini yemirishini isbotlaganlar. Necha asrdirki, buyuk alloma bobokalonimiz,  tib ilmining asoschilaridan biri Abu Ali Ibn Sino taʼlimoti orqali zamonaviy tibbiyot muolaja usullariga kiritilgan asabni avaylash, asab tolalarini mustahkamlash boʻyicha tavsiyalar ham aynan ana shu vahimaga berilish, yaʼni vos-vos kasalligini davolash orqali inson immun tizimini mustahkamlashni nazarda tutadi. Chunki inson tanasi oʻzini-oʻzi turli kasalliklardan himoyalashga qodir boʻlsagina sogʻlom hayot tarziga ega boʻladi.

Tumanimizdagi “Mohidil shifo med” xususiy tibbiy klinikasi oʻz faoliyatini boshlaganiga hali koʻp vaqt boʻlgani yoʻq. Shunday boʻlsa-da, mazkur shifo maskanida yaratilgan qulayliklar, bemorlarga manzur muolaja usullari, klinika shifokorlarining oʻz sohalari boʻyicha yetuk mutaxassis ekanligi va xushmuomalaliklari tufayli mijozlar safi kun sayin oshib bormoqda. Buning oʻziga xos sabablari bor, albatta. Klinika rahbari, oliy toifali shifokor Zulxumor Mamatqulovaning saʼy-harakatlari bilan klinikada OZONOTERAPIYa bilan davolash usuli yoʻlga qoʻyildi.

Tumanimiz xalqi uchun yangicha davolash usuli hisoblangan OZONOTERAPIYa jahon tibbiyotida eng muvaffaqiyatli muolaja turi boʻlib, mamlakatimizda ham keng qoʻllanilmoqda. Shunisi eʼtiborga molikki, yurtimizdagi eng yirik markaziy shifoxonalarda qoʻllanilayotgan OZONOTERAPIYa muolajalari “Mohidil shifo med” xususiy klinikasida muvaffaqiyatli amalga oshirilmoqda. Klinikada bemorlarga tashxis qoʻyish zamonaviy kompyuterlashgan tizim orqali amalga oshiriladi. Ularning yaxshi dam olishlari, sifatli davo usullari, ayniqsa, fizioterapevtik muolajadan samarali foydalanishlari uchun barcha sharoitlar yaratilgan. Zamonaviy tibbiy uskunalar bilan jihozlangan muolaja xonalari mamlakatimiz hududidagi nufuzli sihatgohlardagi sharoitlardan aslo qolishmaydi.

Klinikada faoliyat yuritayotgan 25 nafar shifokorlarning 7 nafari oʻz sohasining bilimdonlari boʻlgan yuqori malakaga ega oliy maʼlumotli shifokorlar hisoblanadi. 18 nafar oʻrta maxsus maʼlumotga ega tibbiyot hamshiralari OZONOTERAPIYa muolajalarini olib borish yuzasidan oʻz bilim va malakalarini doimiy ravishda oshirib boradilar.

Xoʻsh, OZONOTERAPIYa muolajalari aynan qaysi xastaliklarni davolashda qoʻl keladi? Avvalo biz yuqorida tilga olganimiz inson immun tizimini yemiruvchi vahimaga berilish, qoʻrquv, turli mish-mishlarga ishonish kabi odatlardan insonning asabini himoyalash orqali immun tizimini mustahkamlashda OZONOTERAPIYaning beqiyos foydasi katta.

Ayni kunlarda butun dunyoda pandemiya deb tan olingan koronavirusga qarshi kurashda organizmning turli virus va bakteriyalarga qarshi himoya quvvatini oshirishda ham ushbu muolaja usuli, agar tibbiy qoidalarga qatʼiy amal qilinsa, juda foydali. Chunki OZON gazining kuchli antiseptik (zararsizlantiruvchi) vosita ekanligini hisobga olsak, ozon barcha turdagi bakteriyalar, virus va zamburugʻlarni yoʻq qilishi bilan ahamiyatlidir. OZON gazi kasalliklarni davolash, oldini olish bilan birga qon aylanishini yaxshilaydi, terini, shuningdek, butun organizmni xiltlardan tozalaydi, tananing himoya funktsiyasini oshiradi, inson immun tizimini mustahkamlaydi. Immun tizimi mustahkam insonga hech qanday kasallik yuqmaydi, agar yuqtirgan taqdirda ham asoratsiz, tez shifo topadi.

Klinikada ayni paytda gripp, bronxial astma, allergik kasalliklar oshqozon va  oʻn ikki barmoqli ichak, gastrit, jigar xastaliklari, ateroskleroz, yurak ishemik kasalligi, miokard-infarkt, oqchil, bachadon boʻyni eroziyasi, urogenital xlamidioz, trixomoniaz, gerpes kabi virusli kasalliklarni davolashda kutilgan natijalarga erishilmoqda.

Demak, OZONOTERAPIYaning viruslar va bakteriyalarga qarshi kurashish, inson immun tizimini mustahkamlash xususiyatidan foydalanib, ayrim kishilar qalbida  vahima uygʻotayotgan koronavirus epidemiyasi davrida ushbu muolaja turidan foydalanish xalqimiz salomatligini saqlashda muhim ahamiyat kasb etadi.

Aziz yurtdoshlar, oʻz sogʻligingizga beparvo boʻlmang, “Oʻzingni oʻzing asra!” shioriga amal qiling va, albatta, “Mohidil shifo med” xususiy klinikasida yoʻlga qoʻyilgan noyob muolaja usuli – OZONOTERAPIYa muolajasidan foydalaning!

Robiya YOʻLDOShEVA.