INSONNING UMPI UZUN YoKI QISQALIGI BILAN EMAS, BALKI EZGU AMALLAPI BILAN OʻLChANADI

Inson qachon, qaysi zamonda yashashidan qatʼiy nazar, oʻzi hayotligida amalga oshirgan ezgu amallari bilan uni bilgan insonlar qalbida adabiy yashayveradi. U hayotligida xalqi, oʻz yaqinlariga koʻrsatgan cheksiz mehr-muhabbati, qilgan yaxshiliklari bilan har kuni, har lahzada, turli bayram sanalarida yodga olinaveradi.

Choykoʻl ovulida tavallud topgan, 1965-1985-yillarda 22-sonli umumtaʼlim maktabida maktab direktorining tarbiyaviy ishlar boʻyicha, keyinchalik oʻquv ishlari boʻyicha oʻrinbosari, oʻzbek tili va adabiyoti fani oʻqituvchisi vazifalarida ishlagan Qodirboy Pahimov hayotdan ancha erta ketdi. Lekin insonning yashab oʻtgan umri uzun yoki qisqaligi bilan emas, balki uning ezgu amallari bilan oʻlchanadi va atrofidagilar, el-yurtga oʻzi hayotligida qilgan yaxshi ishlari orqali uning ikkinchi umri kabi avlodlariga maʼnaviy kuch bagʻishlaydi.

14-mart kuni 22-sonli umumtaʼlim maktabida Qodirboy Pahimov xotirasiga bagʻishlab oʻtkazilgan voleybol sporti boʻyicha Xotira turnirida bu yaqqol namoyon boʻldi.

Xotira turnirida Qodirboy Pahimov bilan bir ilm dargohida faoliyat yuritgan kasbdoshlari, shogirdlari, mahalladoshlari hamda oila aʼzolari ishtirok etishdi. Xotira turnirining ochilish marosimini 22-sonli maktab direktori Azimjon Bekberganov ochdi va Qodirboy Pahimov nomi bilan bogʻliq ezgu ishlarga batafsil toʻxtaldi, ustoz nomini ulugʻlab yashayotgan shogirdlari, bir jamoada birga ishlashgan hamkasblariga soʻz berdi. Shundan soʻng, Qodirboy Pahimovning hamkasblari, faxriy ustozlari Begmurod Shomurodov, Hayitboy Shomurodov va Yendirboy Xoʻjametovlar soʻzga chiqishib, oʻzlarining Q.Pahimov haqidagi xotiralaridan soʻzladilar.

“Hamisha nomingiz qalbimizda” deb nomlangan Xotira turnirida tumanimizdagi 29-, 33-, 26-, 3-, 22-, 65-sonli umumtaʼlim maktablarining voleybol sporti boʻyicha qizlar jamoalari ishtirok etishdi. Har bir jamoaning faol ishtirokini taʼminlash, musobaqalarda oraliq tanaffuslar tashkil etish, gʻoliblarni aniqlashda shaffoflikka qatʼiy amal qilishga alohida eʼtibor qaratildi. Musobaqa jarayonini jismoniy tarbiya fani oʻqituvchilari Ozod Pajabov, Shavkat Nurekeyev, Ulugʻbek Kamolovlar sinchkovlik bilan kuzatib borishdi.

Nihoyatda samimiylik va doʻstona vaziyatda oʻtgan Xotira turnirida barcha jamoalar aʼzolari turnir tashkilotchilari va Qodirboy Pahimovning oila aʼzolari tomonidan munosib taqdirlandilar.

Alloh rahmat qilsin, Qodirboy Pahimovning izida qolgan munosib izdoshlari – oʻgʻil-qizlari Tamara, Muyassar, Munavvar Pahimova hamda Madamin, Shuhrat va Otabek Pahimovlar eng chiroyli oʻyin koʻrsatgan sportchi qizlarga oʻzlarining sovgʻalarini topshirishdi. 80 yoshdan oshgan muhtarama onaxon – Qodirboy Pahimovning umr yoʻldoshi Shukurjon momo Pahimova soʻzga chiqib, ushbu Xotira turnirini tashkil etgan ustozning shogirdlariga, xususan, 22-sonli umumtaʼlim maktabi direktori Azimjon Bekberganov hamda jismoniy tarbiya fani oʻqituvchilari Ozod Pajabov, Shavkat Nurekeyev, Ulugʻbek Kamolovlarga oʻz minnatdorchiligini izhor etdi.

Qizgʻin bahslarga boy, doʻstona vaziyatda oʻtgan mazkur Xotira turniri ishtirokchilari inson xotirasiga hurmat va ehtirom koʻrsatish azaliy bobomeros qadriyat ekanligini chin dildan yana bir bor his etdilar.

Pobiya YOʻLDOShEVA.