Taʼlim-tarbiya samaradorligini oshiramiz
Zamonaviy loyiha asosida qurilgan maktabimiz binosida "Kimyo-biologiya”, ”Fizika” laboratoriya xonalari, kompyuter sinfi, sport zali hamda 7 ta sinf xonasi mavjud. Maktab binosi 420 oʻquvchi oʻrniga moʻljallangan boʻlib, ayni vaqtda maktabdagi 518 nafar oʻquvchiga 49 nafar pedagog xodimlar samarali taʼlim-tarbiya berib kelmoqdalar.
Maktabda "Oila, maktab, mahalla-hamkorligi” tashkil qilingan boʻlib, tasdiqlangan reja asosida ish olib borilmoqda. Maktabimiz oʻquvchilari fan olimpiadasi va bilimlar bellashuvida munosib ishtirok etib kelishmoqda. 2012-2013 oʻquv yilida maktabning 8-sinf oʻquvchisi Oʻgʻiljon Bekmurotova frantsuz tili fanidan Qoraqalpogʻiston Respublikasi bosqichida qatnashib faxrli birinchi oʻrinni egalladi va Oʻzbekiston Respublikasi bosqichida qatnashish huquqini qoʻlga kiritdi. 2013-2014 oʻquv yilida fan olimpiadasi hududiy bosqichida maktabimiz oʻquvchilari tumanda faxrli birinchi oʻrinni egalladi. Qoraqalpogʻiston Respublikasi bosqichida 9a-sinf oʻquvchisi Yulduz Jumatova rus tili fanidan, 9b-sinf oʻquvchisi Oʻgʻiljon Bekmurotova frantsuz tili fanidan qatnashib, faxrli birinchi oʻrinni qoʻlga kiritishdi. Oʻquvchilarning boʻsh vaqtlarini mazmunli oʻtkazish maqsadida har xil toʻgaraklar tashkil etilgan. Maktabda bolalar sportiga ham katta eʼtibor berilmoqda, jumladan shaxmat-shashka, stol tennisi, voleybol, basketbol, futbol toʻgaraklari faoliyat yuritmoqda. 2014-yilning mart oyida basketbol boʻyicha qizlar orasida oʻtkazilgan "Umid nihollari” musobaqasida maktab jamoasi tumanda birinchi oʻrinni egalladi. Maktabimizning oʻqituvchilar jamoasi "Obod manzillarda sogʻlom farzandlar dunyoga keladi” dasturi asosida targʻibot-tashviqot ishlarini yuritib kelmoqdalar. Maktabimizda obodonlashtirish ishlariga ham katta eʼtibor qaratilgan boʻlib, maktab atrofiga minglab yangi koʻchatlar ekildi.
Baxtiyor Oʻtaboyev,
22-sonli maktabning geografiya fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
