BADIIY GIMNASTIKA – GOʻZALLIK VA NAFOSAT SPORTI
Mohiraxon Berdiboyeva badiiy gimnastika sporti bilan shugʻullana boshlaganida juda yosh qizaloq edi. Har kungi mashgʻulotlardan toʻlib-toshib, xushkayfiyat bilan qaytayotganini koʻrgan ota-onasi uning ushbu sport turi bilan shugʻullanishiga monelik qilishmadi. 2012-yilda Nukus olimpiya zahiralari kollejining badiiy gimnastika yoʻnalishiga oʻqishga kirdi. U oʻqish bilan birga Qoraqalpogʻiston Respublikasi va mamlakat miqyosidagi musobaqalarda faol ishtirok etib, sportning badiiy gimnastika yoʻnalishi boʻyicha oʻz iqtidorini namoyish qildi va koʻplab nufuzli musobaqalar gʻolibi boʻldi.
Kollejni muvaffaqiyatli tugatgan Mohiraxon Berdiboyeva Oʻzbekiston yoshlar ittifoqi tuman Kengashining qoʻllab-quvvatlashi, qolaversa, tuman hokimining yosh sportchilarga eʼtibori tufayli Kengash qoshida badiiy gimnastika sporti toʻgaragini tashkil etdi. Juda qisqa fursat ichida har biri 30 nafar qizlarni birlashtirgan 2 ta guruh tuzilib, mashgʻulotlar boshlab yuborildi. Mana bir yildirki, Mohira Berdiboyeva rahbarligidagi badiiy gimnastika toʻgaragi aʼzolari nafaqat tumanimizda va Qoraqalpogʻistonda, balki mamlakat miqyosidagi musobaqalarda ham muvaffaqiyatli ishtirok etib kelishmoqda. Ayni paytda 60 nafardan ziyod 4 yoshdan 16-17 yoshgacha boʻlgan qizlar mashgʻulotlarda ishtirok etishmoqda.
Oʻz bilimini oshirib borish maqsadida oʻtgan oʻquv yilida oʻz sohasi boʻyicha NDPIning sirtqi boʻlimiga oʻqishga kirdi. U ayni paytda ustozlaridan olgan nazariy bilimlarini oʻz sohasiga tatbiq etish orqali shogirdlarini nufuzli musobaqalarga tayyorlamoqda.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
