4 NAFAR MAHKUM MUDDATIDAN ILGARI JAZODAN OZOD ETILDI
21-avgust kuni Jinoyat ishlari boʻyicha Amudaryo tuman sudining ochiq sud majlisi boʻlib oʻtdi. Unda Jinoyat ishlari boʻyicha tuman sudi raisi Sultomurod Davletmurodov, tuman prokurori, adliya maslahatchisi Javlon Muftullayev, tuman hokimi oʻrinbosari Mahmud Shermetov, Mahalla va oilani qoʻllab-quvvatlash boʻlimi boshligʻining birinchi oʻrinbosari Muqaddas Beknazarova, Yoshlar ishlari agentligi tuman boʻlimi boshligʻi Jasur Davletov, tuman Ichki ishlar boʻlimi Probatsiya guruhi katta inspektori Islom Jabborbergenovlar qatnashdilar.
Sud majlisida tuman Ichki ishlar organlari Probatsiya guruhi tomonidan keltirilgan 4 ta taqdimnomalar muhokama etildi. Yaʼni Jinoyat ishlari boʻyicha tuman sudining 2019-yil 30-oktyabrdagi hukmi boʻyicha Oʻzbekiston Respublikasi Jinoyat Kodeksining 167-moddasi 2-qismi va 209 moddasi 1-qismi bilan aybli deb topilgan, 1-yil muddatga muayayn huquqdan mahrum qilinib, 2-yil muddatga axloq tuzatish ishlari jazosi tayinlangan mahkumaga doir ish koʻrildi. Ushbu sud majlisida uning belgilangan tartiblarga soʻzsiz itoat etib, yaxshi xulq-atvorda boʻlganligi, xatolaridan tegishli xulosa chiqarib olganligi va chin koʻngildan pushaymon boʻlganligi inobatga olinib, jazosining oʻtalmagan 1-yil 4 oyidan Oʻzbekiston respublikasi Jinoyat kodeksining 73-moddasiga asosan shartli ravishda muddatidan ilgari ozod qilindi.
Sud majlisida shuningdek, yana 1 nafar mahkuma va 2 nafar mahkum belgilangan jazo muddatidan shartli ravishda ozod qilindilar. Bunda ularning qilmishlaridan pushaymonligi, xatolaridan tegishli xulosalar chiqarib olganligi, yaxshi xulq-atvorda boʻlayotganligi asos boʻldi.
Inson hayotda bilib-bilmay, baʼzan chuqurroq mulohaza qilib koʻrmay, baʼzan esa kimlarningdir aldoviga uchib xato qilib qoʻyadi. Eng muhimi – odam oʻz xatosini tushunib, ijtimoiy xavfini anglagan holda xulosalar chiqarishi va tuzalish yoʻliga oʻtishidir. Insonparvar davlatimizda amal qilinayotgan huquqiy hujjatlarga asosan buningdek fuqarolarning muddatidan ilgari jazodan ozod etilishi ularning oʻz hayotlarini izga solib olishlariga imkon beradi.
Bu haqda sud majlisida ishtirok etgan tuman Mahalla va oilani qullab-quvvatlash boʻlimi boshligʻi oʻrinbosari Muqaddas Beknazarova, tuman Probatsiya guruhi katta inspektori Islom Jabborbergenovlar batafsil gapirdilar va jazodan muddatidan ilgari ozod etilgan fuqarolarning kelgusi hayotda oʻz oʻrinlarini topishlariga ishonch bildirdilar.
S. Davletmurodov, Jinoyat ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
