FIDOYI ŞIFOKOR

«Nabiy sollallohu alayhi vasallam insoniyatga iymondan keyin salomatlikdan köra yaxşirok neʼmat berilmagan» degan ekanlar. Ana şunday bebaho boylik el – soğliğini saqlaş yölida kuraşuvçi kasb egalari, şubhasiz tibbiyot xodimlaridir.
Tölqinlik, el orasida Örinboy döxtir nomi bilan tanilgan, bir umr feldişer bölib işlagan Örinboy Xidirboyevning 6 nafar farzandning 4 nafari şifokor bölib yetişib, ana şunday maşaqqatli kasbda mehnat qilişayapti.
Qipçoq ovulidagi 1-sonli qişloq oilaviy poliklinikasi mudiri Rustam Xidirboyev  uning şifokor öğillaridan biri. Bu kasbga mehr unga otameros. Bolaligidan u bemor odamlarning dardiga malham bölib, soğayib oyoqqa turib ketişiga yordam berişni istardi.
Asli mutaxassisligi bolalar şifokori bölgan bu yigit öz kasbiy faoliyatini 1988-yilda boşladi. Manğitdagi ftiziatriya laboratoriyasida, Bolalar poliklinikasida işladi, uçastka pediatri böldi. 1991-yildan 2017-yilgaça Qipçoq qişloq vraçlik ambulatoriyasida, 2017-yildan beri esa 1-sonli qişloq oilaviy poliklinikasida mudir vazifasini masʼuliyat bilan ado etib kelmoqda.
Uşbu tibbiyot muassasasi bugungi kunda Qipçoq şaharça, Qipçoq, Tölqin, Çoyköl, Beştom, Uyşin, Daryo böyi kabi ovul va mahallalarda istiqomat qiluvçi 30 mingdan ziyod aholiga xizmat körsatadi. Şuning öziyoq muassasa rahbari zimmasidagi vazifa neçoğlik zalvorli ekanligini anglatadi.
Qişloq oilaviy poliklinikasining 18 nafar şifokorlari va örta tibbiyot xodimlari talabçan va kasbiga fidoyi Rustam Xidirboyev boşçiligida butun dunyo xalqlari boşiga oğir sinovlarni solgan koronavirus pandemiyasi davrida ham  aholi soğliğini muntazam nazorat qilib, ularga kasallikka qarşi kuraş, sanitariya-gigiyena qoidalariga amal qiliş, tibbiy madaniyatni yuksaltiriş borasida tarğibot olib boriş bilan birga, kasallikka çalinganlarni samarali davolaş yölida vaqt bilan hisoblaşmay mehnat qildilar. Şu boisdan ayni kunda hududda ahvol barqarorlaşmoqda.
Qaysiki jamoada xodimlarga munosib mehnat şaroitlari yaratilsa, mehnatlari baholansa, ijtimoiy adolat tamoyillariga rioya etilsa, albatta, şu yerda yutuqlar köp böladi. Tibbiyot maskanida hudud aholisiga bolalar şifokori, jarroh, ayollar şifokori, stomatolog, terapevt va ultratovuş tekşiruvi mutaxassislari xizmat körsatadi. Yiliga bir marta çuqurlaştirilgan tibbiy körik ham taşkillaştirilib, aniqlangan bemorlarning salomatligi tiklanişida yordam körsatiladi. Uşbu muassasada yölga qöyilgan tibbiy xizmatlardan aholi juda mamnun.
Qipçoq ovulidagi 1-sonli Qişloq oilaviy poliklinikasiga soğliğida muammolar bilan murojaat qiluvçi aholiga kasbiga fidoyi şifokor Rustam Xidirboyev boşçiligidagi tibbiyot xodimlari tomonidan namunali tibbiy xizmat körsatilayapti. Kasalligi stantsionar şaroitda davolanuvçi bemorlar uçun 8-örinli kunduzgi davolaş bölimi ham taşkil etilgan. Dardlariga şifo topib, minnatdor bölib kelayotganlar esa köpçilikni taşkil etadi.
Rustam Xidirboyev ahil va baxtli oila sohibi ham. Uning ayoli Erkinoy Murodboyeva ovuldagi maktabda öquvçi-yoşlarga taʼlim-tarbiya berib, pensiyaga çiqdi. Öğli Islombek Örinboyev bölğusi şifokor, tibbiyot oliygohi 2-bosqiç talabasi.
Har yili noyabr oyining ikkinçi yakşanbasi tibbiyot xodimlarining bayrami sifatida nişonlanadi. El soğliğini saqlaşdek şarafli kasbda sidqidildan mehnat qilib kelayotgan Rustam Xidirboyev kabi fidoyi şifokorlarga kasb bayramlari qutluğ bölsin.

Oygul RAJABOVA.