SAYYoR QABUL OʻTKAZILDI

19-yanvar kuni Amudaryo tumani prokurori Javlonbek Muftullayev, tuman prokuraturasi boshchiligida tuzilgan 2-sektor ishchi guruh aʼzolari va tumandagi Xalq qabulxonasi, korxona va tashkilotlar rahbarlari ishtirokida sayyor qabul oʻtkazdi.

Sayyor qabulda tuman prokurori, 2-sektor rahbari Javlonbek Muftullayev hududida amalga oshirilgan ishlar toʻgʻrisida aholiga maʼlumotlar berdi. U qarorlar ijrosini taʼminlash maqsadida barcha sohalardagi muammolarni aniqlash hamda hal etish boʻyicha aniq maqsadlarga qaratilgan tadbirlar amalga oshirilayotgani, tuman hududidagi ijtimoiy soxa obʼektlari, eng avalo, sogʻliqni saqlash, taʼlim va boshqa muassasalarning samarali faoliyat koʻrsatishini taʼminlash, tadbirkorlik subʼektlariga amaliy yordam koʻrsatish, bularning natijasida yangi ish oʻrinlarini yaratish boʻyicha kompleks chora-tadbirlar amalga oshirilayotganini gapirib oʻtdi. Fuqarolarning oʻzini oʻzi boshqarish organlari va fuqarolik jamiyatining boshqa institutlari bilan oʻzaro hamkorlikda huquqbuzarliklarning oldini olish, ayniqsa voyaga yetmagan yoshlar oʻrtasida profilaktika choralarini amalga oshirishda ishchi guruh aʼzolarining oʻrni juda katta ahamiyatga ega ekanligini taʼkidlab oʻtdi.

Shuningdek, 2-sektor ishchi guruh aʼzolari ham soʻzga chiqib, fuqarolarning farovon yashashi uchun yaratilayotgan imkoniyatlardan xususida toʻxtalib oʻtdilar.

Shundan soʻng tuman prokurori, 2-sektor rahbari Javlonbek Muftullayev sayyor qabulga kelgan mahalla fuqarolari bilan yakka suhbatlar oʻtkazib, muammolarini tingladi.

Fuqarolar farzandlariga guvohnoma olish, elektr energiyasi taʼminotini yaxshilash, yoʻllarni taʼmirlash va boshqa masalalarda amaliy yordam berishni soʻrab murojaat qildilar. Shuningdek aholidan ish bilan taʼminlash, mahalla hududidagi  Shoʻrchi koʻchasi aholisini ichimlik suvi bilan taʼminlash maqsadida vodoprovod tarmogʻini tortish, hududdagi ariqdan oʻtish uchun koʻprik qoʻrish, sport maydonchasini qurish kabi masalalarda ham murojaatlar kelib tushdi.

Shunisi eʼtiborliki, sayyor qabulda aholi tomonidan bildirilgan murojaatlarning ayrimlari joyida hal etildi, qolganlarini hal etish boʻyicha tegishli masʼullarga topshiriqlar berildi va ijrosi nazoratga olindi.

Xalq bilan muloqot, uning dardu tashvishi bilan yashash eng asosiy maqsad boʻlib, ushbu maqsad roʻyobi yurtimiz ravnaqiga, uning yanada gullab-yashnashiga, fuqarolarning tinch, osuda, farovon hayot kechirishlarini taʼminlashga xizmat qilishi shubhasiz.

O.RAJABOVA.