Xalqaro xotin-qizlar kuni munosabati bilan bayram tadbiri oʻtkazildi
Insoniyat paydo boʻlibdiki, Ayolga – Onaga buyuk ehtirom koʻrsatish nainki anʼana, balki bashariyatning azaliy, qon-qoniga singib ketgan irsiyadirki, bu borada hech bir xalqda xatoga yoʻl qoʻyilmaydi – inson zoti borki, Ayolga Onaga tomon intilib yashayveradi. Bu intilishda ilohiy sehr bor, ilohiy sinoat bor.
Joriy yilning 5-mart sanasida tuman Mahalla va oilani qoʻllab-quvvatlash boʻlimi binosida boʻlib oʻtgan tuman xotin-qizlarining 8-mart – Xalqaro xotin-qizlar kuniga bagʻishlangan tantanasi marosimda ham tumanimizning, eʼzoz-u ehtiromga munosib ayol-qizlari sharaflandi.
Ayolni, muhtarama onalarini sharaflovchi sheʼrlar, dil soʻzlari bilan boshlangan tadbirda tuman hokimi Sultonboy Yoʻldashev tabrik nutqi soʻzladi. U oʻz nutqida tumanimiz hayotining barcha jabhalarida fidoyilik namunalarini koʻrsatayotgan ayol-qizlarning nomlarini hurmat va ehtirom bilan tilga olib, ularni goʻzallik va nafosat ayyomi bilan samimiy muborakbod etdi.
Shundan soʻng, Oʻzbekiston Liberal demokratik partiyasi Kengashi raisi, Oʻzbekiston Fermer, dehqon xoʻjaliklari va tomorqa yer egalari Kengashi raisi Aktam Haitov, partiyaning Qoraqalpogʻiston Respublikasi Kengashi apparati rahbari, Qoraqalpogʻiston Respublikasi Joʻqorgʻi Kengesi deputati Sharap Oʻtemesov, tuman Mahalla va oilani qoʻllab-quvvatlash boʻlimi boshligʻining birinchi oʻrinbosari Muqaddas Beknazarovalar tumanimiz xotin-qizlarini Xalqaro xotin-qizlar bayrami bilan tabriklab, ularning oʻzlari mehnat qilayotgan sohalarda erishayotgan mehnat qilayotgan sohalarda erishayotgan yutuqlarini alohida eʼtirof etishib, sogʻlik, omonlik tiladilar.
Tantanali bayram tadbirida tumanimiz ijtimoiy-iqtisodiy, maʼnaviy-maʼrifiy, madaniy hamda sogʻlikni saqlash sohalarida mehnat qilayotgan faol ayol-qizlaridan bir guruhiga tuman hokimligi tomonidan qimmatbaho sovgʻalar topshirildi.
Bayram tadbirida tuman madaniyat boʻlimi tomonidan tayyorlangan kontsert dasturi namoyish etildi.
Mamlakatimizda aziz va moʻʼtabar ayol zotini ulugʻlash, opa-singillarimizning davlat va jamiyat hayotida tutgan oʻrni va nufuzini oshirish, oʻzining koʻp yillik samarali mehnati, boy amaliy tajribasi bilan oilalarda maʼnaviy-axloqiy muhitni mustahkamlash, farzandlarimizni ona Vatanga muhabbat, milliy va umuminsoniy qadriyatlarga hurmat ruhida tarbiyalash ishlariga katta hissa qoʻshayotgan xotin-qizlarimizni munosib qadrlash maqsadida qator amaliy ishlar qilinmoqda.
Darhaqiqat, barcha sohalarda faol boʻlib, oʻzining iqtidori va ibratli faoliyati bilan yoshlarga oʻrnak boʻlib kelayotgan, turli soha va tarmoqlarda qobiliyat va imkoniyatlarini roʻyobga chiqarayotgan, Uchinchi Renessans poydevorini yaratishda chuqur bilim va intellektual salohiyatini namoyon etib, oʻz gʻoya va tashabbuslarini ilgari surayotgan, ijtimoiy hayotda faollik koʻrsatayotgan ayol-qizlarimizni har qancha sharaflasak ham kam.
Bahor goʻzalligi, Ayol va Ona, mehr-muhabbat tuygʻulari tarannum etilgan kontsert dasturi barcha ishtirokchilarga xush kayfiyat bagʻishladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
