JAHON SIL KASALLIGIGA QARShI KURAShISh KUNIGA BAGʻIShLANGAN TADBIR OʻTKAZILDI
Shu yil 24-mart kuni Mangʻit shahri markazidagi Istirohat bogʻida Jahon sil kasalligiga qarshi kurash kuni munosabati bilan katta tadbir oʻtkazildi. tadbirda ishtirok etgan Tibbiyot birlashmasi xodimlaritomonidan sil kasalligining yuqish yoʻllari va uning profilaktikasi, jismoniy faollik, sogʻlom ovqatlanish kabilar toʻgʻrisida keng tushunchalar berildi. Shuningdek, Salomatlik markazi shifokorlari J.Yavkashev, T.Saidovalar sil kasalligiga qarshi kurashish, uning oldini olish borasida Respublikamizda, tumanimizda olib borilayotgan keng koʻlamli profilaktik chora-tadbirlar toʻgʻrisida soʻz yuritdilar. Sil kasalligiga qarshi kurash kuni munosabati bilan oʻtkazilgan tadbirda tuman Koʻp tarmoqli markaziy poliklinkasining ftiziatriya boʻlimi mudirasi G.Abdullayeva, Tibbiyot birlashma sport targʻibotchisi, Qizil yarim oy jamiyati tuman boʻlimi ijrochi direktori I.Nurimbetovlar ham ushbu kasallikka chalinganlarni davolash uchun yaratilgan imkoniyatlar xususida gapirdilar.
Tadbir davomida fuqarolar yigʻinlari maʼsullari, faollari ishtirokida soat 10.30 dan 12.00 gacha “Assalom tong” nafas gimnastikasi mashqlarini bajarish va 5 kilometrga faol yurish ommaviy tadbirlarini oʻtkazish rejalashtirilgani, mazkur tadbirning mazmun-mohiyati toʻgʻrisida batafsil maʼlumot berildi. Soʻngra nafas gimnastikasi va 5 kilometr masofaga faol yurish mashqi boshlandi.
Tadbir ishtirok etgan fuqarolar oʻz sogʻligiga eʼtiborli boʻlish, shuningdek, sil kasalligi, undan saqlanish yoʻllari toʻgʻrisida toʻliq tushunchaga ega boʻldilar.
J. Yavkashev, tuman Tibbiyot birlashmasi ASTTQQ va JFO boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
