“Taraqqiyot koʻzgusi”

Amudaryo desalarming evrilib,

Yaxshilikning yoʻllaridan gul terib.

Dil gʻuborin, gʻamlarini sidirib,

Tonglar aro toʻlib-toshib kelgusi –

"Taraqqiyot koʻzgusi!”

Bor dunyosi Soʻz-u Qogʻoz aslida,

Oʻshal Soʻzda ming xil parvoz aslida.

Soʻzlar dildan tilga koʻchgan faslida,

Koʻngillarga quvonch olib kirgusi –

"Taraqqiyot koʻzgusi!”

Sakson yilning ortlaridan moʻralab,

Haq yoʻlida ming bor qogʻoz qoralab.

Hurlik, deya yuraklarin poralab

oʻtgan ulugʻ bobolarning orzusi –

"Taraqqiyot koʻzgusi!”

Qaranglar-a, shuncha mazmun, mohiyat:

Vatan mehri eng bebaho qadriyat.

Sahfasida qulf urib maʼnaviyat,

Zulmatlarning bagʻrini yoritgusi –

"Taraqqiyot koʻzgusi!”

Koʻrdingizmi, Amudaryo bogʻlarin,

El rizqining toshib turgan chogʻlarin.

Baland-baland oppoq hosil togʻlarin,

Jahon ketar yoʻllar tomon eltgusi –

"Taraqqiyot koʻzgusi!”

Elim, degan mardlarning yuragida,

Yer koʻrmagan alplarning kuragida.

Sogʻlom Ona, Sogʻlom Bola tilagida,

Matonat timsoli boʻlib yongusi –

"Taraqqiyot koʻzgusi!”

Ezgulikka eltar yorugʻ yulduz u.

Tunlarning bagʻrini tilgan kunduz u.

Adolat yoʻlida tolmas hargiz u,

Kurashchan dillarga mayoq boʻlgusi –

"Taraqqiyot koʻzgusi!”

Men seni jonim, deb jonimga qoʻydim,

Bir lahza koʻrmasam oʻzimni yoʻydim.

Sen bilan qolgan dam bir hisni tuydim,

Umrim osmonini quchmish yogʻdusi –

"Taraqqiyot koʻzgusi!”

U – Ustoz-muallim! Muqaddas maktab,

Uning-chun el baxti eng oliy matlab.

Amu bolalarin suyib, erkalab,

Kelajakka eltar sarbon boʻlgusi –

"Taraqqiyot koʻzgusi!”

Koʻzguga bir boqing, unda hayot bor,

Istiqloldan ungan nurli bayot bor.

Eng ulugʻ niyat bor, taraqqiyot bor,

Amu osmonida Quyosh boʻlgusi -

"Taraqqiyot koʻzgusi!”     

Robiya YOʻLDOShEVA.