“Yel komekshileri” masʼuliyati cheklangan jamiyati oʻz xizmatlarini taklif qiladi!

Tomorqa yerlaridan samarali foydalanish, «Tomorqa xizmati» masʼuliyati cheklangan jamiyatlarining moddiy-texnika bazasini mustahkamlash, faoliyatini yanada kengaytirish va aholi tomorqalarini xizmatlari bilan qamrab olish darajasini oshirish, shuningdek mahsulotlarni eksport qilish imkoniyatlarini yanada koʻpaytirish maqsadida 2020-yil 30-iyun kuni Oʻzbekiston Respublikasi Prezidentining “Aholi tomorqalaridan foydalanish samaradorligini oshirishning qoʻshimcha chora-tadbirlari toʻgʻrisida”gi qarori qabul qilingan edi.

Mazkur qaror bilan qishloq xoʻjaligi ekinlarining urugʻlari va koʻchatlarini tayyorlash, yetkazib berish, oʻsimliklarni kasallik va zararkunandalardan himoya qilish hamda yetishtirish agrotexnikasi, qishloq xoʻjaligi mahsulotlarini saqlash va qayta ishlash yuzasidan maslahat va tavsiyalar berish boʻyicha xizmatlarni shartnoma asosida tashkil etilishi belgilangan.

Qaror ijrosini taʼminlash maqsadida Qoraqalpogʻiston Respublikasida “Yel komekshileri” masʼuliyati cheklangan jamiyati ish boshladi. Mazkur jamiyatning asosiy maqsadi aholi tomorqalaridan unumli foydalanish va yuqori hosil olishga koʻmaklashishdan iborat.

Jamiyat bugungi kunda aholiga tomorqalardagi oʻsimliklarni turli zararkunanda va kasalliklardan ishonchli himoya qilish, suspenziya usuli orqali oʻsimliklarni bargdan oziqlantirish, bundan tashqari, xonadon ichini, jumladan, yashash xonalari, molxona, yertoʻla va omborxonalarni turli hasharotlarga qarshi dezinfektsiya qilish xizmatlarini taklif qilmoqda.

Jamiyat kasallik va zararkunandalar, hasharotlarga qarshi girbitsidlar va boshqa vositalarni ishonchli va sinalgan ishlab chiqaruvchilardan xarid qiladi. Shuningdek, zamonaviy purkagichlar va boshqa vositalar zararkunanda va hasharotlar hamda kasalliklardan ishonchli himoya qilishda muhim vosita boʻladi.

Jamiyat aʼzolari kelgusida xonadonlardagi dudboʻron va moʻrikonlarni tozalash xizmatlarini ham yoʻlga qoʻyshni rejalashtirmoqdalar.

"Yel komekshileri” masʼuliyati cheklangan jamiyati Amudaryo tumani Mahalla va oilani qoʻllab-quvvatlash boʻlimi, tuman sanitariya-epidemiologik osoyishtalik va jamoat salomatligi boʻlimi hamda tuman ekologiya va atrof-muhitni muhofaza qilish boʻlimlari bilan samarali hamkorlikni yoʻlga qoʻygan.

Xizmatlar uchun toʻlovlar tasdiqlangan narxonamalar asosida belgilangan. Xizmatlarni koʻrsatish davomida xodimlar sanitariya va gigiyena talablari va qoidalariga toʻliq amal qiladi hamda xonadon va tomorqa egalariga zarur tavsiyalar beradi.

Bugungi kunda jamiyatning tumandagi filialida 15 nafarga yaqin xodim faoliyat yuritmoqda. Jamiyat tumanning butun hududida, barcha ovul va mahallalarda faoliyatini yoʻlga qoʻygan.

Shu oʻrinda yurtdoshlarimizga "Yel komekshileri” masʼuliyati cheklangan jamiyatining xizmatlaridan foydalanishni tavsiya qilamiz. Tomorqangizdagi oʻsimliklarni zararkunanda va kasalliklardan himoya qilish, xonadoningizni turli hasharotlardan asrashni oʻz ishining ustalari boʻlgan professional ishchilarga topshiring. Agar bu xizmatlardan foydalanishni istasangiz, 97 353 47 67 telefon raqamlariga murojaat qiling.