Vatanim

(Qoʻshiq)

Bugun butun dunyolar

Oʻktamliging tanidi,

Bunyodkorlik, ijoding,

Koʻrkamliging tanidi,

Ulugʻ izdihomlarda,

Hakamliging tanidi.

Naqorat

Gʻururlardan yuragim

Joʻshib borar,Vatanim,

Kundan-kunga qudrating

Toshib borar, Vatanim!

Jahon aro shuhrating

Oshib borar, Vatanim!

Erkin va yosh avlodning

Sochin silab, tarab qoʻy,

"Kim edigu kim boʻldik?” –

Yoʻlingga bir qarab qoʻy.

"Elim” deb yonib yasha,

Yurt koriga yarab qoʻy

Naqorat

Gʻururlardan yuragim

Joʻshib borar, Vatanim.

Kundan-kunga qudrating

Toshib borar, Vatanim,

Jahon aro shuhrating

Oshib borar, Vatanim!

Kel, ey koʻnglim, elingga

Sen ham zoʻr bir qanot boʻl,

Istiqloldan kuch olib,

Istiqbolga sabot boʻl,

Sajdagohim muqaddas,

Qoʻshigʻim boʻl - bayot boʻl.

Naqorat

Gʻururlardan yuragim

Joʻshib borar, Vatanim!

Kundan-kunga qudrating

Toshib borar, Vatanim!

Olam aro shuhrating

Oshib borar, Vatanim!

Tursunboy Abdullayev.