Mustaqillik — millatning şaʼni, xalqning orzusi, Vatanimizning eng uluğ va eng aziz neʼmati

Har yili 1-sentyabr sanasida yurtimizda qutluğ bayram — Mustaqillik kuni keng nişonlanadi. Bu kun — xalqimizning asrlar davomida orzu qilgan, kuraşib, mehnat qilib qölga kiritgan eng buyuk yutuği, qalbimizda faxr va ğurur uyğotuvçi muqaddas sana.

Butun yurtimiz böylab bölgani kabi uşbu muhim sana munosabati bilan Amudaryo tumanining Vaxum aholi punktidagi bolalar öyingohida ham bayram tadbiri ötkazildi. “Vatan uçun, millat uçun, xalq uçun” şiori ostida bölib ötgan tantanada yurtdoşlarimiz istiqlol şukuhini his etdilar.

Bayram munosabati bilan xalqimiz uçun milliy qadriyatlarimiz ramzi bölgan oş tortilişi esa bayramning ruhiga yanada fayz bağişladi. Özbekona mehmondöstlik, mehr-oqibat va birodarlik ramzi sifatida yozilgan dasturxon atrofida yurtdoşlarimiz bugungi dorilomon kunlarga şukrona aytib duoga qöl oçdilar.

Bayram tantanasida tuman hokimi Sobir Xöjametov iştirok etib, yurtdoşlarimizni qutluğ sana bilan samimiy tabrikladi, istiqlol yillarida qölga kiritilgan yutuqlarni tilga oldi. Bugun bizning hayotimiz tinç, ertamiz porloq, imkoniyatlarimiz keng ekanligining bari istiqlol şarofati ekanini alohida taʼkidladi.

Tuman hokimi öz nutqida taʼkidlaganidek, mustaqillik xalqimizning azaliy orzusi, erkin va farovon hayot sari intilişi natijasida qölga kiritilgan buyuk neʼmatidir. Bu neʼmat tufayli biz öz davlatimizni, öz kelajagimizni öz qölimiz bilan barpo etmoqdamiz. Bugun dunyoning turli burçaklarida, atrofimizda sodir bölayotgan turli nizolar, qarama-qarşiliklar va kelişmovçiliklar barçamizni yanada ogoh va huşyor bölib, mustaqilligimizni, davlatimizning hududiy yaxlitligini köz qoraçiğiday asraşga undamoqda.

Sababi, aynan mustaqilligimiz şarofati bilan Vatanimiz jahon hamjamiyatidan munosib örin egallab, yurtimizda huquqiy demokratik davlat va erkin fuqarolik jamiyatini quriş imkoniga ega böldik. Söngi yillarda yurtimizda Muhtaram Prezidentimiz boşçiligida barça sohalarda izçil islohotlar amalga oşirilmoqda. Xususan, tumanimizda ham iqtisodiy, ijtimoiy, madaniy jabhalarda salmoqli natijalar qölga kiritildi.

Xususan, joriy yilning ötgan 8 oyi mobaynida umumiy qiymati 25,2 mlrd. sömlik 15 ta loyihalar işga tuşirildi va 372 ta yangi iş örinlari yaratilgan. Uşbu yangi loyihalar yiliga 12 mlrd. 417 mln. sömlik mahsulotlar işlab çiqariş va xizmatlar körsatiş quvvatiga ega.

Şuningdek, umumiy qiymati 12 mln. AQŞ dollariga teng bölgan, şundan 9,4 mln. AQŞ dollari miqdorida sanoat mahsulotlari va 2,6 mln. AQŞ dollari miqdorida meva-sabzavot mahsulotlari eksport qilinişiga erişilgan. Tumanda yil boşida kambağallik darajasi 11,4 foizni taşkil qilgan bölsa, 1-iyul holatiga bu körsatkiç 6,2 foizni taşkil qiladi.

Qolaversa, birgina 2025-yil davomida tuman böyiça amalga oşirilayotgan quriliş işlarining umumiy qiymati 800 mlrd. sömdan ortiqroqni taşkil etadi. Qoraqalpoğiston Respublikasi Vazirlar Kengaşining tegişli qarorlari asosida tuman hududidagi 26 ta mahallalarda jami 109,1 km uzunlikdagi içki tuproq yöllarini taʼmirlaş işlari olib borildi. Bu kabi bunyodkorliklar, özgarişlar va yangilanişlarning zamirida “Inson qadri uçun, inson baxti uçun” degan ezgu tamoyil mujassamdir.

Bayram tadbiri davomida tuman Madaniyat bölimi ijodkorlari tomonidan namoyiş etilgan kontsert dasturi xalqimizga yuqori kayfiyat va mustaqillik şukuhini ulaşdi. Ijro qilingan kuy va qöşiqlar hammani öziga rom qildi. Har bir kuy, har bir qöşiq yuraklarda ğurur uyğotib, istiqlolning beqiyos qadrini yanada çuqur his ettirdi.

Taʼkidlaş joizki, mustaqillik yillarida Özbekiston xalqining turmuş tarzi tubdan özgardi, hayotimiz yangilandi. Ilm-fan, taʼlim, iqtisodiyot, qişloq xöjaligi, sport va madaniyat — barça sohalarda bunyodkorlik, yangilaniş jarayonlari yurtimizni dunyoga tanitmoqda. Bugun xalqimiz öz mehnati, fidoyiligi va hamjihatligi bilan taraqqiyot yölida dadil odimlamoqda.

Bayramona şodiyonalar davomida yurtdoşlarimiz qalbida Vatanga mehr, istiqlolga çeksiz sadoqat, ertangi kunga işonç tuyğulari yanada mustahkamlandi. Zero, Mustaqillik — bu bizning erkin nafasimiz, milliy ğururimiz va eng buyuk baxtimizdir.

Çaros Arslonova, tuman hokimligining Axborot xizmati rahbari.