Saylov chorlovi

Saylov kuni sahar turib,
Ovoz berib javlon urib.
Qalbing suygan nomzodlarga,
Vatandoshlar ovoz bering.

Saylov kunin toʻy deb bilib,
Koʻngilga pok niyat ilib.
Yaxshilikni orzu qilib,
Nomzodlarga ovoz bering.

Shu Vatanning kelajagi,
Biling bugun sizga bogʻliq.
Oʻylab shunday nomzodlarga,
Vatandoshlar ovoz bering.

Xalqimizda bir naql bor,
Yetti oʻlchab bir kes degan.
Ishbilarmon, eng munosib,
Nomzodlarga ovoz bering.

Oʻzbekiston kelajagi,
Bilsang kecha qanday edi.
Kundan kunga chiroy ochgan,
Vatan uchun ovoz bering.

Yurtimdagi oʻzgarishga,
Ilohim hech koʻz tegmasin.
Oʻrganib nomzod dasturin,
Maʼquliga ovoz bering.

Kutish bizdan, kelish sizdan,
Gap qilmasdan erta izdan.
Saylov bizning burchimiz deb,
Nomzodlarga ovoz bering.

Shu xalq mening baxtim degan,
Ham suyangan taxtim degan.
Dasturlarin ahdim degan,
Nomzodlarga ovoz bering!
T.Doschanov, 122-uchastka saylov komissiya oʻrinbosari.