Hokim yordamchilari faoliyatining natijadorligiga bagʻishlangan ochiq muloqot boʻlib oʻtdi
2. 27-iyul kuni Amudaryo tumani hokimligining Axborot xizmati tomonidan “Aholi bandligini taʼminlash hamda kambagʻallikni qisqartirish boʻyicha hokim yordamchilari tomonidan 1-yarim yillik davrida amalga oshirilgan ishlar” mavzusida ochiq muloqot tashkil etildi.
Unda tuman hokimining birinchi oʻrinbosari Rashid Salayev, Amudaryo tumani Mahallabay ishlash va tadbirkorlikni rivojlantirish markazi direktori Jasur Davletov, tumandagi hokim yordamchilari hamda ommaviy axborot vositalari vakillari ishtirok etishdi.
Dastalab, tuman hokimining birinchi oʻrinbosari Rashid Salayev hokim yordamchilari faoliyatining 6 oylik natijadorligi boʻyicha hisobot berdi. Shundan soʻng, jurnalistlar ishtirokchilarga savollar bilan murojaat qildilar.
Jumladan, hozirgi kunda fuqarolor tomonidan eng koʻp talab kelib tushayotgan oilaviy tadbirkorlikni rivojlantirish dasturlari doirasida imtiyozli kreditlarning ajratilishi aynan qaysi yoʻnalishlarda, qanday mezonlar asosida amalga oshirilayotgani boʻyicha jurnalist Aziza Madrahimova savol berdi.
Keltirilishicha, Amudaryo tumaniga 68,7 mlrd. soʻm resurslar ajratilgan boʻlib har bir mahallaga aholi sonidan kelib chiqib resurslar taqsimlangan. Bugungi kunga kelib oilaviy tadbirkorlikni rivojlantirish dasturi asosida 2 ming 673 nafar fuqarolar tomonidan kredit olish uchun arizalar yuborilgan boʻlib, shundan 1 ming 859 tasi maqsadli deb topilib, hokim yordamchilari tomonidan tavsiyanomalar berilgan va hozirda 1 ming 635 nafar fuqarolarga dastur doirasida jami 34,9 mlrd. soʻmlik kreditlar ajratilgan.
Shuningdek, jurnalistlardan Mahmudjon Shomuradov mamlakatimizda aholining ijtimoiy-iqtisodiy qatlamiga koʻrsatilayotgan moddiy yordamlar, bu borada hokim yordamchilari tomonidan amalga oshirilayotgan ishlar, subsidiya qanday hollarda ajratilishi boʻyicha savollar bilan murojaat qildi.
Taʼkidlanganidek, Oʻzbekiston Respublikasi Vazirlar Mahkamasining 2022-yil 11-maydagi 252-sonli qaroriga asosan, subsidiyalar Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan ajratilishi belgilab qoʻyilgan.
Bunda hokim yordamchilari 12 turdagi tadbirkorlik yoʻnalishlari uchun subsidiyalar ajratilishi uchun tavsiyanoma berishlari mumkin.
Tadbirkorlikni boshlash uchun subsidiya olish istagini bildirgan fuqarolar birinchi navbatda hokim yordamchisiga uchrashishlari kerak boʻladi. Hokim yordamchisi fuqarolarga onlinemahalla.uz sayti orqali ariza yuborishda koʻmaklashadi. Keyinchalik yuborilgan arizaning skoring baholash tizimidan qanday natija bilan oʻtishiga qarab hokim yordamchisi tavsiyanoma beradi yoki uni rad etadi.
Maʼlumot oʻrnida aytish kerakki, bugungi kunda tumandagi hokim yordamchilari tashabbusi bilan fuqarolarning tamorqada oʻzini-oʻzi band qilish maqsadida 270 mln. soʻm subsidiya mablagʻlari evaziga 95 nafar fuqaroga yengil konstruktsiyali issiqxona hamda 5 nafar fuqaroga sugʻorish tizimlari qurib berilgan.
Shuningdek, kasb-hunarga oʻqitish va asbob-uskuna xarid qilish uchun “Rahimboyeva Salomat” ishlab chiqarish kooperativi tomonidan Xitoy, Besh ovul, Tosh qalʼa va Yuqori qishloq ovul va mahallalarida tikuvchilik kooperatsiyasini tashkil qilish evaziga 49 nafar fuqarolarning bandligini taʼminlash maqsadida 132,1 mln. soʻm subsidiya mablagʻlari ajratilgan.
Qipchoq ovuli hududidagi “Amudaryo outlet” ishlab chiqarish kooperativiga 15 nafar xotin-qizlarni aʼzo qilgan holda 60 mln. soʻm subsidiya mablagʻlari ajratilgan. Bundan tashqari, 10 nafar ishsiz fuqaroga 2,7 mln. soʻm miqdorida subsidiyalar ajratilgan.
Ochiq muloqot davomida jurnalistlar hokim yordamchilari faoliyati boʻyicha oʻzlarini qiziqtirgan savollar bilan murojaat qilib, tegishlicha javoblar oldilar.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
